धनगढी । स्कुली बालिका चेतना साउदको मृत्यु प्रकरणमा न्याय दिलाउन सुदूर पश्चिमका आठ विद्यार्थी सङ्गठनले माग गरेका छन् ।
२०७९ मङ्सिर १६ गते संयुक्त प्रेसवक्तव्य जारी गर्दै उनीहरूले यस्तो माग गरेका हुन् ।
विद्यार्थी सङ्गठनहरूले चेतनालाई न्याय दिलाउन भइरहेको आन्दोलनप्रति एक्यबद्धता प्रकट गरेका छन् । साथै उनीहरूले आन्दोलनकारीको धरपकड र गिरफ्तारीको पनि घोर निन्दा एवम् भत्र्सना गरेका छन् ।
उनीहरूले आन्दोलनलाई संयमित बनाउन गिरफ्तार आन्दोलनरीलाई नि:शर्त रिहाइको पनि माग गरेका छन् ।
प्रेसविज्ञप्तिमा अखिल (छैठौं) का प्रदेश अध्यक्ष टङ्क अवस्थी, अनेरास्ववियुका प्रदेश अध्यक्ष मनोज राई, अखिल (क्रान्तिकारी) का प्रदेश अध्यक्ष दीपककुमार डिसी, नेपाल विद्यार्थी सङ्घका निमित्त सहमहामन्त्री अच्युत कलौनी, अखिल (क्रान्तिकारी) का प्रदेश इन्चार्ज बबरजङ्ग सिंह, अखिल (क्रान्तिकारी) का प्रदेश संयोजक पुष्कर जोशी, वैज्ञानिक समाजवादी विद्यार्थी सङ्गठनका प्रदेश संयोजक द्रोणाचार्य अवस्थी र अखिल (क्रान्तिकारी) का प्रदेश इन्चार्ज सुरेन्द्र धानुकको हस्ताक्षर रहेको छ ।
धनगढी उपमहानगरपालिका हसनपुरस्थित पञ्चोदय माध्यमिक विद्यालयमा कक्षा ८ मा अध्ययनरत १५ वर्षीय बालिका चेतना साउदको गत मङ्सिर १५ गते विद्यालय जाँदै गर्दा ग्रेडरले कुल्चेर घटनास्थलमै मृत्यु भएको थियो ।
घटनाको विरोध गर्दै धनगढीमा आन्दोलन चलिरहेको छ भने सरकारले त्यसलाई नियन्त्रण गर्ने नाममा कफ्र्यु लगाएको छ ।
