जनकपुर धाम । धनुषामा बोलेरो जिप दुर्घटना हुँदा एक शिशुको ज्यान गएको छ । घटनामा ६ जना गम्भीर घाइते भएका छन् ।

लक्ष्मिनिया गाउँपालिकामा ना३ च३५७५ नम्बरको बोलेरो आफैँ अनियन्त्रित भई दुर्घटना भएको जिल्ला प्रहरी कार्यालय धनुषाले जनाएको छ ।

जनकपुर धामबाट ढल्केबर गइरहेको सो बोलेरो लक्ष्मिनियाको सेन्ट्रल हस्पिटलअगाडि अनियन्त्रित भएर पल्टेको थियो ।

जिल्ला प्रहरी कार्यालय धनुषाका प्रवक्ता प्रहरी नायब उपरीक्षक प्रदीपबहादुर क्षेत्रीका अनुसार दुर्घटनामा परी ११ दिनका शिशुको घटनास्थलमै मृत्यु भएको हो भने घाइतेहरूको नाम र ठेगाना खुल्न सकेको छैन ।

दुर्घटनामा गम्भीर घाइते भएकाहरूलाई उपचारका लागि नजिकै रहेको सेन्ट्रल हस्पिटल पुर्याइएको र घटना सम्बन्धमा थप विवरण आउन बाँकी रहेको प्रहरीले जनाएको छ ।