न्यूयोर्क । बेलायतका राजकुमार ह्यारीको संस्मरण “स्पेयर” आगामी पुस २६ गते बजारमा आउने भएको छ । प्रकाशन गृह पेन्गुइन र्यान्डम हाउसले अक्टोबर २७, २०२२ का दिन एक वक्तव्य जारी गरेर पुस्तक प्रकाशनको जानकारी दिएको हो ।
सन् १९९७ मा आफ्नी आमा डायनाको अकल्पनीय मृत्यु, आमा र भाइ विलियमसँगका सम्झना पुस्तकमा पढ्न पाइने छ । “स्पेयर” मा ह्यारीको अटल इमानदारी, अन्तर्दृष्टि, आत्मपरीक्षण, असीमित शक्ति, विजय–पराजय, दुःख, प्रेमगायत विषय समेटिने दाबी गरिएको छ ।
प्रकाशन गृहले राजकुमार ह्यारीलाई एक पति, पिता, मानवीयकर्मी, सैन्य दिग्गज, मानसिक स्वास्थ्य अभियन्ता एवम् वातावरणविद्का रूपमा परिचय गराएको छ । चार सय १६ पृष्ठको उक्त पुस्तक डच एवम् पोर्चुगितलगायत १६ भाषामा छापिने छ ।
पुस्तक बिक्रीबाट प्राप्त हुने रकम बेलाइतका परोपकारी संस्थाहरूलाई दान गरिने छ । लेखक ह्यारीले लेसोथो र बोत्सवानामा एचआइभी÷एड्सबाट प्रभावित बालबालिका र युवालाई मदत गर्न लेसोथोका राजकुमार सेइसोसँग मिलेर स्थापना गरेको संस्था सेन्टेबालेलाई १५ लाख अमेरिकी डलर दिएका छन् ।
अमेरिकामा जन्मेकी पत्नी मेघनसँग विवाह गरेकासकेका ड्युकले सन् २०२० मा आफ्नो शाही कर्तव्यबाट बिदा लिएर अमेरिका सरेका सरेका थिए ।
बेलाइतको राजपरिबारबाट आफूलाई आर्थिक सहयोग नभएको तथा आफ्नी आमाले छाडेको रकमबाट गुजारा गरिरहेको गत वर्ष एउटा रेडियो अन्तर्वार्तामा उनले बताएका थिए । (रासस/एपी)
