कोलम्बो । श्रीलङ्का सरकारले आगामी कृषियाममा धानखेती गर्ने किसानका लागि प्राङ्गारिक मल अनुदानका लागि १६ अर्ब श्रीलङ्काली रुपैयाँ (चार करोड ३५ लाख ९० हजार अमेरिकी डलर) विनियोजन गरेको छ ।
कृषिमन्त्री महिन्दा अमरविराले अक्टोबर ८, २०२२ शनिबारका दिन दिएको जानकारीअनुसार कृषकलाई खेती गर्न हौसला प्रदान गर्न सरकारले उक्त रकम बराबरको अनुदान विनियोजन गरेको हो ।
किसानलाई उच्च गुणस्तरको प्राङ्गारिक मल उपलब्ध गराउन सरकारले कदम चाल्ने उहाँको भनाइ उद्धृत गर्दै स्थानीय सञ्चार माध्यमले लेखेका छन् ।
दक्षिण एसियाली मुलुकमा अझै पनि नरहेको प्राङ्गारिक मलको गुणस्तरीय मापदण्ड बनाउन पनि मन्त्री महिन्दाले सम्बन्धित निकायलाई निर्देशन दिनुभएको छ ।
श्रीलङ्काको कृषि विभागले सन् २०२२/२३ को मौसममा धानखेतीका लागि किसानले प्रयोग गर्ने जैविक मलको ३० प्रतिशत हिस्सा सिफारिस गरेको प्रतिवेदनमा उल्लेख छ । (रासस/सिन्ह्वा)
