काठमाडौं । राष्ट्रपति विद्यादेवी भण्डारीका राजनीतिक सल्लाहकार डा. लालबाबु यादवले संविधानसँग बाझिएको नागरिकता विधेयक प्रमाणीकरण नहुने स्पष्ट पार्नुभएको छ ।
नेपाली रेडियो नेटवर्क (एनआरएन) को कार्यक्रमलाई दिएको अन्तर्वार्तामा डा. यादवले राष्ट्रपतिले राजीनामा पनि नदिने बरु महाअभियोग लागे फेस गर्ने बताउनुभयो ।
‘राष्ट्रपतिले जे जे कुरामा सरोकार राख्नुभएको थियो, त्यसमा सुशासन समितिमा पनि छलफल भएन । संसद्मा छलफल भएन’ उहाँले भन्नुभयो, ‘संविधान र नागरिकता विधेयक बाझिएको कुरा नागरिक समाज, कानुन व्यवसायी, पूर्वसुरक्षा अधिकारीहरुले परामर्श दिइरहनुभएको छ ।’
संविधान संशोधन नभएसम्म राष्ट्रपतिले नागरिक विधेयक प्रमाणीकरण गर्न नहुने पनि उहाँको तर्क छ ।
डा. यादवले भन्नुभयो, ‘राष्ट्रपति संविधानको संरक्षक र पालक हो । उहाँ संविधान बाहिर जाने ठाउँ छैन । राष्ट्रपतिले राजीनामा दिनुहुन्न । राजीनामा दिनुपर्ने कुनै कारण छैन । प्रमाणीकरण पनि गर्नहुन्न । बरु संसद्ले महाअभियोग लगाउँछ भने फेस गर्नुपर्छ ।’
नागरिकता विधेयकमा राष्ट्रिय सहमति खोज्न राष्ट्रपतिलाई राजमोको ध्यानाकर्षण
नागरिकता विधेयकबारे राष्ट्रपतिद्वारा परामर्श जारी, नेमकिपा र पाँच वामदलसँग छलफल
