बुटवल । कल सेन्टर सञ्चालन गरी ठगी धन्दा गरेको आरोपमा कल सेन्टरबाट प्रहरीले एक भारतीयसहित ९ जना पक्राउ गरेको छ ।
आइतबार दिउँसो नियन्त्रणमा लिइएका बाँकी कर्मचारीलाई प्रहरीले छाडेको छ । कल सेन्टरमा काम गर्ने १५ देखि २३ वर्षसम्मका किशोर किशोरीलाई प्रहरीले सोधपुछपछि छोडेको हो ।
९ जना व्यवस्थापक तथा सिनियर कर्मचारी प्रहरी नियन्त्रणमा छन्। ९ जना मध्ये १ भारतीय हुन् ।
तिलोत्तमा नगरपालिका वडा नम्बर २ मा रहेको कल सेन्टरमा प्रहरीले आइतबार दिउँसो छापा मारेको थियो। छापा मारेर त्यहाँ काम गर्ने डेढसय भन्दा बढीलाई नियन्त्रणमा लिएको थियो ।
विदेशीको लगानीमा तिलोत्तमाको जानकीनगरमा तीनवटा फ्लाट भाडामा लिएर कल सेन्टर चलेको थियो। यहाँ २ सयवटा जति कम्प्युटर छन् ।
कल सेन्टर मार्फत भारतीयहरुलाई लोन उपलब्ध गराउने र तोकिएको समयमा लोन नतिरे व्याकमेल गर्ने गरिएको प्रहरीको आरोप छ ।
