काठमाडौँ । अखिल नेपाल किसान महासङ्घ (अप्फा) काठमाडौँका अध्यक्ष केबी घलेले अनधिकृत रूपमा जारी संयुक्त प्रेसवक्तव्य र सङ्घर्षको कार्यक्रमप्रति असहमति जनानुभएको छ ।
अध्यक्ष घलेले २०७९ असार ६ गते प्रेसवक्तव्य जारी गर्दै यस्तो जानकारी दिनुभएको हो ।
असार ६ गते जारी प्रेसवक्तव्य र त्यसमार्फत् घोषणा गरिएको सङ्घर्षको कार्यक्रम अप्फाको घोषित नीतिको विरुद्धमा रहेको भन्दै उहाँले आफूहरू त्यसबाट फिर्ता भएको पनि बताउनुभएको छ ।
यस्तो छ, सङ्क्षिप्त प्रेसवक्तव्यको पूर्ण पाठ :
“राष्ट्रिय किसान आयोगको कार्यक्रममा सहभागी किसान सङ्घ/सङ्गठनका प्रतिनिधिहरूलाई सामेल गरेर अनधीकृत रूपमा संयुक्त वक्तव्य र सङ्घर्षको कार्यक्रम राखिएकोमा हाम्रो सङ्गठन अखिल नेपाल किसान महासङ्घ (अप्फा) को नीति विपरीत भएको भन्ने निर्देशन भएकाले भ्रमवश म त्यो वक्तव्य र त्यसले निर्णय गरेको कार्यक्रमबाट फिर्ता लिएको जानकारी गराउँछु ।”
