काठमाडौं । काठमाडौं महानगरपालिकामा कुल खसेको मतमध्ये ५० हजार मतपत्रको गणना भएको छ। बुधबार बेलुकी कुल खसेको मतमध्ये ५० हजार मतपत्रको गणना सम्पन्न भएको हो।
वैशाख ३० गतेसम्म स्थानीय तह निर्वाचनमा १ लाख ८९ हजार ४२० मत खसेको थियो। वैशाख ३१ बिहानबाट जारी मतगणनाअनुसार स्वतन्त्र उम्मेदवार बालेन्द्र शाहले १८ हजार २३७ मत ल्याएका छन्।
उनलाई नेकपा एमालेका उम्मेदवार केशव स्थापित ९ हजार ५१७ मतका साथ पछ्याइरहँदा नेपाली कांग्रेसकी उम्मेदवार सिर्जना सिंहले ८ हजार ५३७ मत प्राप्त गरेकी छन्।
महानगरको उपप्रमुखमा एमाले उम्मेदवार सुनिता डंगोलले १७ हजार ८२६ मत पाएकी छन्। उनलाई नेकपा एकीकृत समाजवादीका उम्मेदवार रामेश्वर श्रेष्ठ ५ हजार ७२२ मतका साथ पछ्याइरहेका छन्।
काठमाडौँका ३२ वडामध्ये १, २, ३ र ५ नम्बर वडाको गणना सम्पन्न भइसकेको छ। अहिले ४, ६, ७, २८, २९, ३०, ३१ र ३२ नम्बर वडाको मतगणना भइरहेको छ।
