प्युठान । प्युठान जिल्लामा राष्ट्रिय जनमोर्चाले हालसम्म १९ जनप्रतिनिधिलाई विजयी गराउन सफल भएको छ । राजमोले चार वडाअध्यक्षसहित १५ जना वडासदस्य जितेको हो ।
राजमोले हालसम्म मल्लरानी गाउँपालिका १ र २, स्वर्गद्वारी नगरपालिका २ र प्युठान नगरपालिका ५ मा राजमोले वडाअध्यक्ष जितेको छ ।
आइतबार विहान ११ बजे प्राप्त जानकारी अनुसार मल्लरानी गाउँपालिका १ को अध्यक्षमा चिन्तबहादुर राहु, सदस्यमा कमल पौडेल र कृष्णि सार्की निर्वाचित हुनुभएको छ ।
मल्लरानी २ बाट वडाअध्यक्षमा लेखबहादुर थापा र सदस्यहरुमा सीता पुन, सीता नेपाली र गणेशबहादुर घर्तीमगर निर्वाचित हुनुभएको छ ।
यस्तै, स्वर्गद्वारी नगरपालिका १ को खुला सदस्यमा निमबहादुर पुन र वडा नं २ को महिला सदस्यमा रामकली सुनार निर्वाचित हुनुभएको छ।
यता, प्युठान नगरपालिका १ को दलित महिला सदस्यमा उषा विक र वडा नं २ को महिला सदस्यमा गायत्री विष्ट निर्वाचित हुनुभएको छ ।
वडा नं ५ को अध्यक्षमा नन्दबहादुर पुन र सदस्यमा कल्पना विकले जित हासिल गर्नुभएको छ ।
यता, ऐरावती गाउँपालिका सदस्यमा टिकाराम आचार्य, मानबहादुर घर्तीमगर र दलित महिला सदस्यमा विन्दु परियार निर्वाचित हुनुभएको छ।
ऐरावतीकै ३ नम्बर वडासदस्यमा प्रेम श्रेष्ठ र दलित महिला सदस्यमा इन्सरा श्रेष्ठ निर्वाचित हुनुभएको छ ।
प्युठानको मल्लरानी गाउँपालिकाको अध्यक्षमा गठबन्धनको तर्फबाट राजमोका उम्मेदवार कृष्णबहादुर खड्काले अग्रता लिइरहनुभएको जानकारी प्राप्त भएको छ । हालसम्म १ हजार ५५० मत गणना गर्दा उहाँ १३८ मतका साथ अगाडि हुनुहुन्छ ।
- बरेङ-१ को वडाअध्यक्षमा राजमोका पुन, पालिकामा गठबन्धनको अग्रता
- प्युठानमा राजमोका थप तीन वडाअध्यक्ष विजयी
