बागलुङ । बागलुङको जैमिनी नगरपालिकामा राष्ट्रिय जनमोर्चाको अग्रता कायमै रहेको छ।

गठबन्धनको तर्फबाट नगर प्रमुख उम्मेदवार राष्ट्रिय जनमोर्चाका नरबहादुर पुन र उपप्रमुख पदका उम्मेदवार नेपाली कांग्रेसका हरिहर शर्माले अग्रता लिनुभएको हो।

हालसम्म १ हजार मत गन्दा प्रमुखमा गिलास चिह्नमा ७ सय ७९ मत परेको छ भने उहाँका प्रतिद्वन्द्वी नेकपा एमालेका लिला रानाले १ सय ७१ मत प्राप्त गर्नुभएको छ ।

उपप्रमुखमा हरिहर शर्माले ६ सय ९७ मत प्राप्त गर्नुभएको छ भने उहाँको प्रतिद्वन्द्वी उषा पौडेलले १ सय ५७ मत प्राप्त गर्नुभएको छ ।

वडा अध्यक्ष, महिला सदस्य, दलित महिला सदस्य र वडा सदस्यमा सबैमा गठबन्धनका उमेदवारहरुले अग्रता लिएका छन् ।