काठमाडौं । प्रधानमन्त्री शेर बहादुर शुक्रबार (चैत १८ गते) भारतको तीन दिने औपचारिक भ्रमणका लागि दिल्ली प्रस्थान गर्दै हुनुहुन्छ । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री देउवा भारत भ्रमणमा जान लाग्नुभएको हो ।
देउवाको भारत भ्रमणको तालिका आज सार्वजनिक भएको छ । भारतीय विदेश मन्त्रालयले प्रधानमन्त्री देउवाको भारत भ्रमणको एक दिन अघि विस्तृत कार्यतालिका सार्वजनिक गरेको हो ।
यस्तो छ कार्यतालिकाः
शुक्रबार
भारतीय समय अनुशार दिउँसो २ः५० बजे नयाँ दिल्लीस्थित इन्दिरा गान्धि अन्र्तराष्ट्रिय विमानस्थल अवतरण ।
अपरान्ह ४ः३० बजे भारतीय विदेशमन्त्री डा. एस जयशंकरले दिल्लीस्थित होटल मौर्यमा शिष्टाचार भेट गर्ने ।
शनिबार
बिहान १०ः४० बजे प्रधानमन्त्री देउवाले राजघाट पुगेर महात्मा गान्धीको शालिकमा श्रद्दान्जली अर्पण गर्ने ।
प्रधानमन्त्री देउवा र भारतीय समकक्षि नरेन्द्र मोदीबीच ११ः१० बजे हैदरावाद हाउसमा द्विपक्षिय भेटवार्ता हुने ।
मध्यान्ह १२ः१५ बजे नेपाल र भारतबीच सम्झौतापत्रहरुमा हस्ताक्षर हुने। देउवा र मोदीले संयुक्त पत्रकार सम्मेलनलाई सम्बोधन गर्ने ।
अपरान्ह १६ः३० बजे प्रधानमन्त्री देउवाले भारतीय उपराष्ट्रपति नायडुसंग मौलाना आजाद रोडस्थित उपराष्ट्रपति कार्यालयमा शिष्टाचार भेट गर्ने ।
आइतबार
बिहान ९ बजे बाराणसी पुग्ने। त्यहाँ आयोजित कार्यक्रममा सहभागी हुने ।
अपरान्ह ४ः०० बजे बाराणसीबाट नयाँ दिल्ली फर्किने ।
अपरान्ह ४ः१५ बजे काठमाडौंका लागि प्रस्थान गर्ने ।
