अर्घाखाँची । आगामी स्थानीय तहको निर्वाचनमा गठबन्धन गर्ने सैद्धान्तिक निर्णय गरेका अर्घाखाँचीका पाँच राजनीतिक दलले सोमबार मालारानीमा संयुक्त कार्यकर्ता बैठक सम्पन्न गरेका छन् ।
बैठकलाई राष्ट्रिय जनमोर्चाका जिल्ला अध्यक्ष थम्मन केसी, नेपाली कांग्रेसका जिल्ला सभापति केशव श्रेष्ठ, नेकपा माओवादी केन्द्रका केन्द्रीय सदस्य जिल्ला इन्चार्ज सुशीला श्रीपाली, एकीकृत समाजवादीका जिल्ला अध्यक्ष रामबहादुर चौहान र जनता समाजवादी पार्टीका केन्द्रीय सदस्य गोकर्ण थापाले सम्बोधन गर्नुभएको थियो ।
बैठकमा सहभागी नेताहरुले देशमा प्रतिगमनको खतरा कायमै रहेको भन्दै पाँच दलबीच आगामी तीनै तहको निर्वाचनमा संयुक्त रुपमा जानुपर्नेमा जोड दिएका छन् । हालसम्म संयुक्त कार्यक्रम ४ स्थानीय तहमा सम्पन्न भइसेको छ ।
पालिकास्तरका कार्यक्रम १६ गते सन्धिखर्कमा गरि पहिलो चरणको कार्यक्रम सम्पन्न गरि थप योजना बनाइने नेताहरुले बताएका छन् ।
नेकपा माओवादी केन्द्र मालारानीका अध्यक्ष पदम क्षेत्रीको अध्यक्षता र कांग्रेस मालारानीका सभापति सोभाखर खनालको सञ्चालनमा सम्पन्न कार्यक्रममा पाँचै दलका जिल्ला र पालिका स्तरका नेताहरुको सहभागिता रहेको थियो ।
