काठमाडौं । नेपाल कम्युनिष्ट पार्टीका अध्यक्ष ऋषि कट्टेलले एमसीसीको नाममा नेपाललाई इन्डो प्यासिफिक रणनीति (आईपीएस) को हेडक्वाटर बनाउन खोजिएको बताउनु भयो ।
एमसीसी आईपीएसको अभिन्न अंग भएको जिकिर गर्दै नेता कट्टेलले एमसीसी कार्यान्वयनको नाममा नेपाललाई आईपीएसको अखडा बनाउन लागिएको बताउनु भयो ।
‘एमसीसी हिन्द प्रसान्त रणनीति (आईपीएस) को अंग हो भन्ने कुरा प्रष्ट छ। अब यो कार्यान्वयन गर्न आउनेहरु अमेरिकी सेना र सीआईएका प्रतिनिधि हुन्’ उहाँले भन्नुभयो, एमसीसीका नाममा नेपाललाई आईपीएसको अखडा बनाएर महाशक्ति राष्ट्रहरु जुध्ने थलो बनाउन खोजिएको छ।’
उहाँलेअमेरिकी साम्राज्यवाद जहाँ जहाँ जान्छ त्यहाँ सँगसँगै आतंकवाद पनि लैजाने जिकीर गरे।
नेपाल खुला सिमाना भएको देश भएका कारण आतंकवादप्रति सम्वेदनशील हुनुपर्ने बताउनुभयो ।
उहाँले केही दशक अघिको खम्पा विद्रोहको उदाहरण दिँदै एमसीसी कार्यानवयनका लागि बनाइने अखाडामा नेपाली पस्न नपाउने र त्यहाँ के के गतिविधि हुन्छ भनेर जानकारी पाउन नसक्ने बताउनु भयो ।
