काठमाडौँ । राष्ट्रिय जनमोर्चा पाँचदलीय गठबन्धनबाट बाहिरिएको छ । राष्ट्रघाती एम.सी.सी. संसद्बाट षड्यन्त्रमूलक तरिकाले पारित गरेसँगै पाँचदलीय गठबन्धनले देशको सार्वभौमिकता र अखण्डतामाथि आँच पुर्याएको ठहरका साथ राजमो गठबन्धनबाट अलग भएको हो ।
राजमो अध्यक्ष चित्रबहादुर केसीको हस्ताक्षरमा २०७८ फागुन १६ गते जारी प्रेसवक्तव्यमा सो जानकारी दिइएको छ ।
राजमो केन्द्रीय सचिवालयको बैठकले गरेका निर्णय सार्वजनिक गर्न जारी गरिएको सो वक्तव्यमा प्रतिगमन विरुद्धको सङ्घर्षमा सही भूमिका खेले पनि पछिल्लो समयमा सार्वभौमिकता र अखण्डताको सवालमा पाँचदलीय गठबन्धनले गलत भूमिका खेलेको बताइएको छ ।
वक्तव्यमा संसद्मा मतदान नगरी ध्वनिमतबाट एम.सी.सी. बारे निर्णय गरिएकोमा आपत्ति प्रकट गरिएको छ भने गठबन्धनको अर्को दल माओवादी केन्द्रले आफ्ना कार्यकर्ताहरूको आक्रोश मत्थर पार्न नौटङ्की गरिएको उल्लेख छ ।
त्यसैगरी वक्तव्यमा एमालेको रमिते, गैरजिम्मेवार व्यवहार र प्रकारान्तरले एम.सी.सी. लाई पारित गराउन खेलेको भूमिकाको पनि बैठकले भत्र्सना गरेको बताइएको छ ।
एम.सी.सी. को विरुद्धमा फागुन १९ देखि २२ गतेसम्म देशव्यापी विरोधसभा गर्ने जानकारी दिइएको प्रेसवक्तव्यको पूर्ण पाठ यस्तो छ–
“आज बसेको राष्ट्रिय जनमोर्चाको केन्द्रीय सचिवालयको बैठकले गरेका निर्णयहरू सार्वजनिक गर्न यो वक्तव्य जारी गरिएको छ ।
१. केपी ओलीले लादेको प्रतिगमनका विरुद्ध हाम्रो पार्टीले प्रतिगमन विरुद्धको पाँचदलीय गठबन्धन निर्माण र त्यसको निरन्तरतामा जोड दिदै आएको थियो । प्रतिगमन विरुद्धको पाँचदलीय गठबन्धनले विघटित संसद्को पुनस्र्थापना, ओली सरकारको अन्त्य, प्रतिगमनका विरोधी शक्तिहरूको नेतृत्वमा नयाँ सरकार निर्माण तथा गणतन्त्रको रक्षाका लागि महŒवपूर्ण काम गरेको थियो, जुन सही थियो ।
एम.सी.सी. जस्तो राष्ट्रघाती सम्झौताका विरुद्ध सम्पूर्ण देशभक्त नेपाली जनता सडकमा उत्रेका छन् । हाम्रो पार्टीले लगातार एम.सी.सी. को खारेजीमा जोड दिँदै आएको छ । एम.सी.सी. सम्झौताले देशको राष्ट्रियता, सार्वभौमसत्ता र अखण्डतालाई कमजोर बनाउनुका साथै सम्झौताका आडमा अमेरिकी सेनासमेत नेपाल आउन सक्ने र त्यसबाट हाम्रो असंलग्न परराष्ट्र नीति पनि धरासायी हुने भएकाले विद्यमान अवस्थामा एम.सी.सी. विरुद्धको सङ्घर्ष प्रधान बनेर अगाडि आएको छ । यस परिप्रेक्ष्यमा पाँचदलीय गठबन्धनभित्रको हाम्रो पार्टीबाहेकका चार पार्टीले एम.सी.सी. लाई संसद्द्वारा पारित गराउन गरेको षड्यन्त्र, जालझेल, तिकडम र साम्राज्यवादीहरूको दलाली तथा पृष्ठपोषण गर्ने काम गरेको हुनाले पाँचदलीय गठबन्धन देशको राष्ट्रियता, सार्वभौमसत्ता र अखण्डताको विरुद्ध खडा भएको स्थितिमा पाँचदलीय गठबन्धनलाई कायम राखिरहनुपर्ने औचित्य समाप्त भएको छ । गठबन्धनबाट देशको सार्वभौमसत्ता र अखण्डतालाई गम्भीर क्षति पुगेकाले त्यसबाट हाम्रो पार्टी आजकै मितिदेखि अलग भएको घोषणासमेत गर्दछौँ ।
२. एम.सी.सी. लाई पारित गराउनका लागि सरकारले अपनाएको मतदान प्रक्रियाको पनि हाम्रो पार्टी घोर विरोध तथा भत्र्सना गर्दछ । एम.सी.सी. जस्तो राष्ट्रघाती सम्झौता, जसले राष्ट्रलाई दीर्घकालीन रूपले गम्भीर क्षति पु¥याउने छ, जसको विरुद्ध सम्पूर्ण नेपाली जनता सडकमा उत्रेको अवस्थामा जलझेल गरेर ध्वनिमतको आधारमा त्यसलाई पारित गरियो । यदि अल्पमत बहुमतको विधिअनुसार मत विभाजन गरेको भए एम.सी.सी.लाई विद्यमान अवस्थामा अनुमोदन गर्न सरकारका लागि मुस्किल पर्ने भएको हुनाले नै ध्वनिमतको सहारा लिएर अनुमोदन गर्ने काम भएको छ । सरकारको यस प्रकारको तानाशाही तथा निरङ्कुश प्रवृत्तिको हामी घोर विरोध तथा भण्डाफोर पर्दछौँ ।
३. एम.सी.सी. सम्झौता संसद्द्वारा षड्यन्त्रमूलक ढङ्गबाट पारित गर्नुका साथै सम्झौताको व्याख्यात्मक प्रस्ताव पनि पारित गरिएको छ । उक्त कथित व्याख्यात्मक प्रस्तावलाई समेत हाम्रो बैठकले औचित्यहीन ठहर गरेको छ । माओवादी र एकीकृत समाजवादीले व्याख्यात्मक प्रस्तावमा कथित सहमति जनाउने कुरा आफ्ना कार्यकर्ताहरूको एम.सी.सी. विरुद्धको आक्रोसलाई मत्थर पार्न गरिएको नौटङ्की मात्र हो । अन्तिम अवस्थामा आएर एम.सी.सी. जस्तो राष्ट्रघाती सम्झौता पारित गर्न माओवादी र एकीकृत समाजवादीले खेलेको भूमिकाको समेत हाम्रो पार्टीले घोर विरोध तथा भत्र्सना गर्दछ । त्यसका साथै राष्ट्रियता जस्तो गम्भीर सवालमा एमालेले देखाएको रमिते, गैरजिम्मेवार व्यवहार र प्रकारान्तरले एम.सी.सी. लाई पारित गराउन खेलेको भूमिकाको पनि बैठकले भत्र्सना गरेको छ ।
४. एम.सी.सी. विरुद्धको सङ्घर्षलाई अगाडि बढाउन दलको स्वतन्त्र पहलकदमीमा फागुन १९–२२ गतेसम्म देशव्यापी जिल्ला तथा स्थानीय स्तरका विरोध सभाहरू गर्ने ठेगान भएको छ ।”
