काठमाडौं । बालुवाटारस्थित ललिता निवास जग्गा प्रकरणमामा पक्राउ परेका लेखनदास दम्पती हाजिरी जमानीमा रिहा भएका छन् ।
लेखनदास रामकुमार सुवेदी र उनकी श्रीमती माधवी सुवेदीलाई नेपाल प्रहरीको केन्द्रीय अनुसन्धान ब्यूरोले बुधबार रिहा गरेको हो ।
मुख्य बिचौलियाको आरोपमा पक्राउ परेका उनीहरुलाई ब्यूरोले आवश्यक परेका समय उपस्थित गराउने शर्तमा आफन्तको जिम्मा लगाएको हो ।
ललिता निवास जग्गा हिनामिना गरेको अभियोगमा काठमाडौं जिल्ला अदालतले ३६२ जनाविरुद्ध पक्राउ पुर्जी जारी गरेको थियो । उनीहरुमध्ये सुवेदी दम्पती मात्रै हिरासतमा थिए ।
उनीहरुविरुद्ध पुस २७ गतेसम्म मुद्दा चलाउनुपर्ने म्याद रहेकोमा सरकारी वकिल कार्यालय काठमाडौंले त्यसको एक दिनअघि नै सीआईबीलाई फाइल फर्काइदिएको थियो । त्यसले गर्दा सो प्रकरणमा जोडिएका नेता, मन्त्री, भूमाफिया, उच्च कर्मचारी तथा व्यापारीविरुद्ध मुद्दा नचल्ने भएको छ ।
