शंकरप्रसाद पोख्रेल, गुल्मी ।
गुल्मीको सत्यवती गाउँपालिका–६ को ज्वाङमा राष्ट्रिय जनमोर्चाको वडा भेला सम्पन्न भएको छ । सोमबार सम्पन्न भेलाले वडा समिति समेत गठन गरेको छ ।

समितिको अध्यक्षमा टिकाराम भण्डारी, उपाध्यक्ष तिलक माझी, सचिव नरसिंह पुलामी, सहसचिव कविता भण्डारी र कोषाध्यक्षमा मन्जु शाही चयन हुनु भएको छ । सदस्यहरुमा मनु पुलामी, रक्षा पुलामी, उमा भण्डारी, गोपाल भण्डारी, अर्जुन भण्डारी र हिमाल भण्डारी रहनुभएको छ ।

भेलामा नेकपा (मसाल) का जिल्ला प्रवक्ता ओमेनेद्र कुँवर र राजमो सत्यवती गाउँपालिकाका अध्यक्ष मित्रलाल तरामुले सम्बोधन गर्दै राष्ट्रिय जनमोर्चा नै राष्ट्रियता, गणतन्त्र र जनजीविकाको पक्षमा संघर्ष गर्ने एक मात्र पार्टी भएको बताउनु भयो । उहाँहरुले ०६२–६३ को जनआन्दोलनबाट प्राप्त गणतन्त्र र धर्मनिरपेक्षता अहिले पुनः खतरामा पर्न थालेकाले लोकतन्त्रका पक्षधर एकजुट हुनुपर्ने अवस्था आएको बताउनु भयो ।

नरसिंह पुलामीको सञ्चालनबाट अघि बढेको भेलाको अध्यक्षता कमल पुलामीले गर्नुभएको थियो भने स्वागत थानिस्वर भण्डारीले गर्नु भएको थियो ।