अर्घाखाँची । राष्ट्रिय जनमोर्चा अर्घाखाँची जिल्ला समितिको आयोजनामा मिलिनियम च्यालेन्ज कर्पोरेशन (एमसीसी) को विरुद्धमा विरोध प्रदर्शन गरिएको छ ।
कार्यक्रमलाई राजमो प्रदेश सदस्य तथा जिल्ला अध्यक्ष थम्मन केसीले सम्बोधन गर्दै एमसीसीको विरुद्धमा सिंगो देश जुरुक्क उठ्नुपर्ने आवश्यकता औल्याउनु भयो । जनता यसरी उठ्न नसके देशको राष्ट्रिय सार्वभौमिकता समाप्तहुने उहाँको दाबी थियो ।
राजमो अर्घाखाँचीका उपाध्यक्ष गोपाल पौडेलको सञ्चालनमा अघि बढेको उक्त कार्यक्रममा राजमो केन्द्रीय सदस्यहरू यमलाल पोख्रेल, सागर केसी, अखिल नेपाल टे«ड युनियन महासंघ (अन्टुक) का उपाध्यक्ष गोविन्द बिसी, प्रदेश सदस्य शेरबहादुर बिसी, अखिल नेपाल जनजाति सम्मेलनकी केन्द्रीय सचिव उषा पुन, अखिल नेपाल युवक संघका केन्द्रीय सदस्य ठाकुर पन्थी, नेकपा (मसाल) अर्घाखाँचीका प्रवक्ता पशुपति ढकाल, अखिल नेपाल किसान महासंघका जिल्ला सचिव भीमलाल आचार्य, अखिल (छैठौं) अर्घाखाँचीका अध्यक्ष जीवन नेपाली, राजमो नेता दधिराज खनालल गायत ठुलो सङ्ख्यामा नेता–कार्यकर्ताहरूको उपस्थिति रहेको थियो ।
