काठमाडौं । एमसीसी खारेजीको माग गर्दै ८ राजनीतिक दलले संसद भवन घेराउ गर्न खोज्दा प्रहरीले हस्तक्षेप गरेको छ ।
जुलुश संसद भवनतर्फ अगाडि बढ्ने क्रममा मिन भवन अगाडि प्रहरी र प्रदर्शनकारीबीच झडप भएको छ ।
झडपमा परी राष्ट्रिय जनमोर्चा काठमाडौं जिल्ला सदस्य अमर पौडेल, राष्ट्रिय जनमोर्चा बागलुङका नेता इन्द्र छन्त्याललगायत घाइते भएका नेकपा (मसाल) बागमती प्रदेश प्रवक्ता समिर सिंहले जानकारी दिनु भयो ।
यसअघि २७ गते नेकपा मसाल सहित ८ राजनीतिकदले एमसीसीको कार्यालय घेराउ गरेका थिए । एमसीसी खारेजीको माग गर्दै राजमोले एकल तथा संयुक्तरुपमा आन्दोलन गर्दै आएको छ ।
संसदमा एमसीसी टेबुल गर्ने उद्देश्यका साथ सरकारले मंगलबारदेखि संसद बैठक आह्वान गरेपछि एमसीसीविरुद्धको आन्दोलन चर्केको हो । आज सुरु भएको संसदको दशौँ अधिवेशनको पहिलो बैठक एमालेले अवरोध गरका कारण स्थगित भएको छ । अब अर्को बैठक पुस ६ गते बस्नेछ ।
एमसीसीविरुद्ध आठ दलले संसद भवन र एमसीएको कार्यालय घेर्ने
