कावासोती । अखिल (छैठौं) ले नवलपुरको हुप्सेकोट गाउँपालिकामा भेला सम्पन्न गर्दै समिति गठन गरेको छ ।
२०७८ असोज ३१ गते सम्पन्न उक्त भेलाले सन्दीप थापाको अध्यक्षतामा १८ सदस्यीय अखिल (छैठौं) को समिति गठन गरेको हो ।
अखिल (छैठौं) केन्द्रीय सदस्य तिर्सना श्रीनेत, राष्ट्रिय परिषद् सदस्य तथा रूपन्देही जिल्ला सचिव मिलन परियारको आतिथ्यतामा सम्पन्न भेलाले १५ पूर्ण र तीन वैकल्पिक सदस्य रहेको समिति गठन गरेको छ ।
गठित समितिको उपाध्यक्षमा इषा गुरुङ, सचिवमा राहुल थापा, सहसचिवमा ललिता भण्डारी र कोषाध्यक्षमा विवश गिरी रहनुभएको छ ।
त्यस्तै, सदस्यमा पारस महतो, सागर छन्त्याल, हिमाल रेग्मी, अविनाश भुजेल, प्रदीप जिसी, ओमबहादुर महतो, सोनु गुरुङ, निकेस महतो, सविन महतो र मञ्जु सोमै रहनुभएको छ ।
त्यसैगरी वैकल्पिक सदस्यमा करन महतो, रोहन महतो र सुदीप विक रहनुभएको छ।
भेलामा केन्द्रीय सदस्य तिर्सना श्रीनेत, राष्ट्रिय परिषद् सदस्य मिलन परियारले समसामयिक विषयमा प्रशिक्षण दिनुभएको थियो ।
भेलामा राष्ट्रिय जनमोर्चाका केन्द्रीय सदस्य भागिरथ शर्मा र अखिल नेपाल जनजाति सम्मेलनका नवलपुर उपाध्यक्ष मानबहादुर लामाले समेत मन्तव्य राख्नुभएको थियो ।
