काठमाडौं । राष्ट्रिय जनमोर्चाले अमेरिकी सहयोग परियोजना एमसीसी संसदबाट पास गराउन शेरबहादुर देउवा नेतृत्वको सरकारले अनेक षडयन्त्र गरिहरको आरोप लगाएको छ । एमसीसी पास भए नेपालको असंलग्न परराष्ट्र नीति समाप्त हुने पनि राजमोले चेतावनी दिएको छ ।
शुक्रबार एक वक्तव्य प्रकाशित गरी अध्यक्ष चित्रबहादुर केसीले अमेरिकाले नेपाललाई स्वीकार गर्न बाध्य पारिएको कथित विकास रकम सुरक्षा रणनीति अन्तर्गत नेपाल आउने भएकोले त्यसरले देशको राष्ट्रियता, सार्वभौमिकता र अखण्डतामा गम्भीर आँच पुग्ने बताउनुभएको छ ।
‘एमसीसी अमेरिकाको इण्डोप्यासिफिक रणनीतिको एउटा अङ्ग हो । अमेरिकी इण्डोप्यासिफिक रणनीति एउटा सैन्य रणनीति भएको र यसको मुख्य उद्देश्य चीनका विरुद्ध अरु मुलुकलाई अमेरिकी गठबन्धनमा सामेल गर्नु रहेको छ’ वक्तव्यमा भनिएको छ, ‘अमेरिकाले नेपाललाई स्वीकार गर्न बाध्य पारिएको कथित विकास रकम सुरक्षा रणनीति अन्तर्गत नेपाल आउने भएकोले त्यसरले देशको राष्ट्रियता, सार्वभौमिकता र अखण्डतामा गम्भीर आँच पुग्ने छ ।’
एमसीसी पारित भएमा त्यसले नेपालको असंलग्न पराराष्ट्र नीति खतम हुनेछ र चीनसितको सम्बन्धमा समेत गम्भीर असर पर्ने बताउँदै राजमोले कुनै पनि हालतमा एमसीसी जस्तो राष्ट्रघाती सम्झौता संसदबाट पारित गराउने सरकारका हरेक षडयन्त्रका विरुद्ध संघर्षमा जोड दिने जनाएको छ ।
वक्तव्यको पूर्णपाठ यहाँ हेर्नुहोस् :
राष्ट्रियताको रक्षा र संघीयताविरुद्ध राजमोद्वारा सातै प्रदेशमा सभा, धनगढीमा केसीले सम्बोधन गर्ने
