दिनेश रैदास, दाङ ।
अखिल नेपाल जनजाति सम्मेलन राजपुर गाउँपालिका स्तरीय दोस्रो भेला आज चंगुवामा सम्पन्न भएको छ। भेलाले लक्ष्मीप्रसाद बुढाको अध्यक्षता मा १५ सदस्यीय कार्य समितिको चयन गरेको छ।
जसको उपाध्यक्षमा दिलबहादुर घर्ती, सचिव मनकुमार राणा, कोषाध्यक्षमा रणबहादुर बुढा (शुशिल) लाई चयन गरेको छ।
त्यसैगरी सदस्यहरुमा तेजबहादुर बाठा, मनोज बुढा, निम बहादुर बुढा, काशीराम चौधरी, आउटे घर्ती (अनिल), मनप्रसाद घर्ती, कमला कवर, सुरवीर घर्ती, पट्वारी चौधरी, टीका बुढा रहनुभएको छ।
भेलाले सल्लाहकारमा जसबहादुर घर्ती, लुद्रबहादुर बुढा, खिमबहादुर राणा, नारायण प्रसाद चौधरी र टेकमान घर्तीलाई चयन गरेको छ।
अखिल नेपाल जनजाति सम्मेलन राजपुर एरिया कमिटीका अध्यक्ष लक्ष्मी प्रसाद बुढाको अध्यक्षतामा सम्पन्न भेलालाई प्रमुखअथिति तथा अखिल नेपाल जनजाति सम्मेलनका केन्द्रीय उपाध्यक्ष रमेशमान गुरुङ, विशिष्ट अतिथि अखिल नेपाल युवक संघका पुर्व केन्द्रीय अध्यक्ष काशीनाथ पोख्रेल, अखिल नेपाल जनजाति सम्मेलनका लुम्बिनी प्रदेश सदस्य तथा दाङ जिल्ला सचिव दलबहादुर घर्ती, राष्ट्रिय जनमोर्चा दाङ जिल्ला उपाध्यक्ष एवम् राजपुर एरिया इन्चार्ज महेश रिजाल, जातीय समता समाजका जिल्ला सदस्य राजकुमार विक (कमल), राजमो दाङका सदस्य रामफकिरे रैदास, अखिल (छैंठौ) दाङ जिल्ला सचिवालय सदस्य दिनेश रैदास, अखिल नेपाल जनजाति सम्मेलन दाङ जिल्ला सल्लाहकार जसबहादुर घर्ती, अखिल नेपाल ट्रेडयुनियन महासंघ (अन्टुक) का जिल्ला सदस्य टेकबहादुर बुढा, अखिल नेपाल युवक संघका शेरबहादुर बुढा लगायतले भेला सफलताको शुभकामना दिनु भएको थियो।
सहिद प्रति एक मिनेट मौनधारण गरी शुरू भएको भेलामा रणबहादुर बुढा (शुशिल) ले स्वागत मन्तब्य दिनु भएको थियो भने कार्यक्रमको सञ्चालन मनकुमार राणाले गर्नु भएको थियो।
