काठमाडौँ । जनगायक जुठबहादुर खड्गी (जेबी) टुहुरेको निधन भएको छ । टुहुरेको राजधानीको बयोधा अस्पतालमा २०७८ भदौ १० गते उपचारको क्रममा निधन भएको हो ।

टुहुरे भदौ ८ गते आफ्नै कलङ्कीस्थित घरमा एक्कासि लडेपछि उपचारका लागि बयोधा अस्पताल पुर्याइएको थियो । मुटु, फोक्सो, मधुमेह र उच्च रक्तचापका दीर्घरोगीसमेत रहेका टुहुरे नेकपा (माओवादी–केन्द्र) निकट जनसांस्कृतिक महासङ्घका निवर्तमान अध्यक्ष हुनुहुन्थ्यो ।

माओवादी–केन्द्रका केन्द्रीय कार्यालयका अनुसार उनको पार्थिव शरीर श्रद्धाञ्जलीका लागि साढे १ बजेदेखि २ बजेसम्म माओवादीको पार्टी केन्द्रीय कार्यालय पेरिसडाँडामा राखिने छ । उनको भदौ १० गते नै पशुपति आर्यघाटमा अन्त्येष्टि गरिनेछ ।

नेकपा (एमाले) सम्बन्ध जनगायक मानिनुहुने टुहुरेका “आमा, दिदी, बहिनी हो”, “बसाइँ हिड्ने ताँती” जस्ता गीत लोकप्रिय छन् ।