महेश रिजाल, दाङ ।
२०७८ साउन १८ गतेका दिन ६३ वर्षको उमेरमा मृत्यु हुनुभएका राष्ट्रिय जनमोर्चा राजपुर गाउँपालिका–७ वडा कमिटिका सदस्य मिनबहादुर कुमालको मृत्यु भएको तेह्रौँ दिन साउन ३० गते शनिवार गोठुवामा श्रद्धाञ्जली सभा सम्पन्न भएको छ ।
वडा कमिटिका अध्यक्ष दिलबहादुर घर्तीको अध्यक्षता, एरिया सदस्य तेजबहादुर बाठामगरको स्वागत मन्तव्य र वडा समितिका कोषाध्यक्ष रनबहादुर बुढा (सुशील) को सञ्चालनमा मृतकप्रति एक मिनेट मौनधारण गरी सुरु भएको श्रद्धाञ्जली सभालाई राष्ट्रिय जनमोर्चा जिल्ला समिति दाङका उपाध्यक्ष एवम् राजपुर एरिया इन्चार्ज महेश रिजाल, महिलानेत्रीहरू भीमसरा बाठामगर, प्रमिला बुढामगर, वीरबहादुर पुनमगरलगायतले श्रद्धाञ्जलीे मन्तव्य दिनुभएको थियो ।
सभामा मृतक मिनबहादुर कुमालको तस्बिरमा पुष्पगुच्छा र अबिर लगाई सम्मान गरिएको थियो ।
श्रद्धाञ्जली सभामा मृतक कुमालकी पत्नी यामकुमारी कुमाल, छोराहरू पूर्णबहादुर कुमाल, गोपाल कुमाल, रमेश कुमाल, हुमबहादुर कुमाल तथा बुहारीहरू चन्द्रकला, सरस्वती, कमला कुमालसहित आफन्तजन, इष्टमित्रको पनि उपस्थिति रहेको थियो ।
