मनिस कंडेल, गल्कोट ।
बागलुङको गल्कोट नगरपालिका–३ हटियामा अखिल नेपाल युवक संघको वडा भेला सम्पन्न भएको छ । शनिबार भएको भेलाले सुदिप श्रेष्ठको अध्यक्षतामा ५ पूर्ण र २ वैकल्पिक गरि ७ सदस्यीय वडा समिति चयन गरेको छ।
समितिको सचिवमा राजेन्द्र सापकोटा, कोषाध्यक्ष सुरेन्द्र श्रेष्ठ चयन हुनु भएको छ भने सदस्यहरुमा डिवि श्रीस, अभिषेक श्रेष्ठ तथा कल्पिक सदस्यमा अपिल श्रेष्ठ र पुनम श्रेष्ठ रहनुभएको छ । भेलाले गजेन्द्र भेटाल, राजेन्द्र घिमिरे र गुमानसिंह खत्रीलाई सल्लाहकार चयन गरेको छ ।
कार्यक्रमका प्रमुख अतिथि अखिल नेपाल युवक संघका गण्डकी प्रदेश सचिव संजाल शर्माले युवाको सिप, क्षमता र साहसलाई राज्यले कहाँ प्रयोग गर्ने त्यसको योजना बनाई युवालाई परिचालन गर्न सरकार समक्ष माग गर्नु भयो । त्यसको साथै अन्याय, अत्याचार र शोषण, दमन र भ्रस्टाचार विरुद्ध युवाहरू सचेत र संगठित हुन अनुरोध गर्नु भयो ।
भेलालाई युवक संघका जिल्ला कोषाध्यक्ष अनिल गिरि र अखिल (छैटौं) बागलुङका अध्यक्ष गणेश सापकोटाले भेला सफलताको शुभकामना दिनु भएको थियो ।
युवक संघ बाग्लुङका गल्कोट नगर कोषाध्यक्ष सुदिप श्रेष्ठको अध्यक्षतामा सुरु भएको भेलाको संचालन मनिस कंडेलले गर्नु भएको थियो ।
अखिल नेपाल युवक संघ बाग्लुङको ११ औं जिल्ला सम्मेलन २०७८ बैशाख २४ र २५ गते गलकोटमा सम्पन्न हुँदै छ।
