दिनेश रैदास, दाङ ।
१५२ औं लेनिन जयन्ती तथा ७३ औं पार्टी स्थापना दिवस नेकपा (मसाल) जिल्ला समिति दाङ देउखुरीको आयोजनामा घोराहीमा सम्पन्न भएको छ । नेकपा (मसाल) दाङ जिल्ला प्रवक्ता भरत भण्डारीको अध्यक्षतामा कार्यक्रम सम्पन्न भएको हो ।
कार्यक्रमलाई सम्बोधन गर्दै अखिल नेपाल युवक संघका पूर्वकेन्द्रीय अध्यक्ष काशीनाथ पोख्रेलले लेनिनले गरेको योगदान, नेपालमा कम्युनिष्ट पार्टीको इतिहास र आन्दोलनबारे प्रष्ट पार्नु भएको थियो ।
त्यस्तै, राष्ट्रिय जनमोर्चाका वैकल्पिक केन्द्रीय सदस्य तथा दाङ जिल्ला अध्यक्ष गणेश आचार्यले लेनिनको योगदान र लेनिनको सिद्धान्तलाई नेकपा (मसाल) र राजमोसम्बद्ध जनवर्गीय संगठनहरुले पालना गरिरहेको बताउनुभयो ।
मसाल प्रवक्ता भरत भण्डारीले पार्टी चलाउनको लागि लेलिनको सिद्वान्तलाई अंगालेर योजनावद्वरुपमा अगाडि बढेर संगठन चलाउनुपर्ने बताउनु भयो ।
कार्यक्रममा तराई मधेस जनवादी मोर्चाका केन्द्रीय उपाध्यक्ष हनुमान चौधरी, अखिल नेपाल जनजाति सम्मेलनका केन्द्रीय सदस्य रामबहादुर जिएम, अखिल नेपाल किसान महासंघका जिल्ला सदस्य मनिराम खनाल, उद्योग ब्यापार संघका जिल्ला सदस्य हरि खरेल, अखिल नेपाल ट्रेड युनियनका जिल्ला सचिव कमल पन्थी, अखिल (छैठौं) दाङ जिल्ला सचिवालय सदस्य दिनेश रैदास र अखिल नेपाल बुद्धिजीवी संघका जिल्ला सदस्य टोपाराम भट्टराईको आथित्यता रहेको थियो । कार्यक्रमको सञ्चालन सुशील पोख्रेलले गर्नु भएको थियो ।
