हरिप्रसाद सापकोटा, बारा ।
राष्ट्रिय जनमोर्चा बारराले जिल्लाका विभिन्न स्थानमा संगठन निर्माणमा तीब्रता दिएको छ । प्रतिनिधि सभा विघटनविरुद्धको संघर्षमा सक्रिय रहेको राजमोले संगठन बिस्तारलाई पनि सँगगसँगै अगाडि बढाएको हो ।

संगठन परिचालन समितिका संयोजक जीवनकुमार भट्टराईको नेतृत्वमा जितपुर सिमरा उप–माहानगर अनतर्गतका विभिन्न वडाका टोलहरुमा राजमोले समिति निर्माण गरेको छ ।

अभियान अन्तर्गत वडा नं ११ स्थित अमाडारको हनुमान मन्दिर टोलमा लक्ष्मी पासवानको अध्यक्षतामा ५ सदस्यीय समिति गठन भएको छ । समितिको उपाध्यक्षमा गोधन ठाकुर, सचिव पर्सुराम मुखिया, कोषाधक्ष्य पुनकलि पासवान र सदस्य रामधार पासवान तथा २ स्थान रिक्त रहने गरी ७सदस्यीय समिति गठन भयको समितिको सदस्यमा उदयनारायण खाँ थारु रहनु भएको छ।

यता, वडा नं ४ औराहामा राजमोको वडा भेला सम्पन्न भएको छ । भेलामा संगठन परिचालन संयोजक जीवन भट्टराई, अखिल नेपाल महिला संघका जिल्ला सचिव सिर्जना शर्मा, अखिल नेपाल युवक संघ जिल्ला अध्यक्ष कूलप्रसाद आचार्य, नेकपा (मसाल) बारा जिल्ला प्रवक्ता रमेस भट्टराई, अखिल नेपाल शिक्षक संघका केन्द्रीय सदस्य हरिप्रसाद सापकोटाअखिल नेपाल किसान महासंघका केन्द्रीय उपाध्यक्ष धर्मानन्द सुवेदी र राजमो २नं प्रदेस कोषाध्यक्ष शेरबहादुर कार्कीले समसामयिक विषयमा विचार राख्नु भएको थियोे ।
पुष्पा आचार्यको अध्यक्षतामा सम्पन्न भेलाको सञ्चालन मित्र शर्मा पौडेलले गर्नुभएको थियोे ।

भेलाले ७ सदस्यीय वडा समिति र तीन सदस्यीय सल्लाहकार समिति गठन गरेको छ । समितिको अध्यक्षमा हरि पौडेल, उपाध्यक्ष गोबिन्द आचार्य, सचिव मित्र शर्मा पौडेल र कोषाध्यक्ष विस्णु आचार्य रहनुभएको छ भने सदस्यहरु दुर्गा पौडेल, विस्णुदेबि खनाल, नवीन पौडेल तथा सल्लाकार संयोजक टङ्क ढकाल, सदस्य पुस्पा आचार्य र डन्डपाणी आचार्य रहशनुभएको छ ।