दिनेश रैदास, दाङ ।
‘गणतन्त्र, धर्मनिरपेक्षता र राष्ट्रियताको रक्षा गरौं । विघटित संसदको पुनर्स्थापना र संघीयताका विरुद्ध संघर्ष गरौं’ भन्ने मूल नाराका साथ राष्ट्रिय जनमोर्चा दाङ देउखुरीले सञ्चालन गरिरहेको ‘संघर्ष र संगठन’ अभियान अन्तर्गतका कार्यक्रमहरु जारी छन् ।
अभियान अन्तर्गत गढवा गाउँपालिका वार्ड नं ६ को वार्ड स्तरीय कार्यकर्ता भेला सम्पन्न भएको छ । भेलाले शारदा चौधरीको अध्यक्षतामा नौ सदस्यीय वार्ड कमिटी गठन गरेको छ । जसको उपाध्यक्ष शिवा कुमारी चौधरी, सचिव रमीलाल चौधरी, कोषाध्यक्ष प्रतिमा चौधरी र सदस्यहरुमा ठागुरम चौधरी, फरारी चौधरी, महेन्द्र चौधरी चयन हुनु भएको छ भने दुई स्थान रिक्त राखिएको छ।
शारदा चौधरीको अध्यक्षता, प्रतिभा चौधरीको सञ्चालन र रमिलाल चौधरीको स्वागत मन्तव्यबाट शुरु भएको भेलामा राष्ट्रिय जनमोर्चा दाङ जिल्ला सदस्य कपिलदेव खनालले कार्यक्रमका उदेश्यमाथि प्रकाश पार्नु भएको थियो ।
भेलामा राष्ट्रिय जनमोर्चा गढवा गाउँपालिका वार्ड नं ७ का अध्यक्ष खुमानन्द, नारायण पण्डित, ठागुराम चौधरी, महेन्द्र चौधरी लगायत नेताहरुले शुभकामना दिनुभएको थियो ।
