सन्धिखर्क । अर्घाखाँचकिो सन्धिखर्क नगरपालिका–६ मा अखिल नेपाल युवक सङ्घको भेला नरपानीमा सम्पन्न भएको छ ।
भेलाले पूर्णबहादुर बिसीको अध्यक्षतामा २५ सदस्यीय समिती गठन गरेको छ । नवगठित समितिमा उपाध्यक्ष लक्ष्मण केसी, सचिव विनोद केसी, सहसचिव दिपक थापा र कोषाध्यक्षमा प्रेम पौडेल रहनुभएको छ ।
त्यसैगरी, सदस्यहरूमा सन्तोष रायमाझी, राजु भाट, सूर्य अधिकारी, सुरज खत्री, गोविन्द पुरी, लेकबहादुर पुरी, शिभ पाण्डे, कमल पाण्डे, तारा भाट, सागर बुढाथोकी, सन्जय केसी, शुभ बुढाथोकी, अमृत चुँदाली, खिमबहादुर चुँदाली, भुपेन्द्र चुदाली र चन्द्र पाण्डे रहनुभएको छ ।
भेलाको प्रमुख अतिथि अखिल नेपाल युवक सङ्घका जिल्ला कोषाध्यक्ष वसन्त खड्का हुनुहुन्थ्यो ।
सो अवसरमा मन्तव्य राख्दै उहाँले सचेत युवाहरू एकजुट जुट भएर अखिल नेपाल युवक सङ्घको झण्डामुनि गोलबन्द हुन अपिल गर्नुभएको थियो ।
भेलामा राष्ट्रिय जनमोर्चाका अर्घाखाँची जिल्लाध्यक्ष थम्मन केसीले अखिल नेपाल युवक सङ्घका युवाहरूमा देशलाई बचाउने थप जिम्मेवारी काँधमा थपिएको बताउनुभयो ।
कार्यक्रममा अखिल नेपाल ट्रेड युनियन महासङ्घ (अन्टुक) का केन्द्रीय उपाध्यक्ष गोविन्द बिसीलगायतको आतिथ्यता रहेको थियो ।
भुपाल बिसीको अध्यक्षता तथा प्रेम पौडेलको सञ्चालन रहेको सो कार्यक्रममा स्वागत मन्तव्य पूर्ण बिसीले गर्नुभएको थियो ।
