वीरेन्द्रनगर । सुर्खेतको लेकबेसी–२ मा राष्ट्रिय जनमोर्चाको वडा भेला सम्पन्न भएको छ ।
राजमो केन्द्रीय सदस्य रत्नविक्रम प्यासीको प्रमुख आतिथ्यतामा २०७७ माघ १८ गते सो कार्यक्रम सम्पन्न भएको हो ।
कार्यक्रममा नेकपा (मसाल) सुर्खेतका प्रवक्ता मोहन थापा, राजमो नेता जीतबहादुर घर्ती, राजमो जिल्ला सल्लाहकार शेरबहादुर परियार र प्रेमबहादुर ठाडा, बुद्धिजीवी भक्तबहादुर ज्ञामी, राजमो लेकबेसी नगरपालिका समितिका अध्यक्ष भुपेन्द्र नेपाली र राजमो लेकबेसी–१ समितिका अध्यक्ष छवि पोख्रेलको पनि आतिथ्यता रहेको थियो ।
भेला प्रेमबहादुर ज्ञामीको अध्यक्षता, धनबहादुर पुनको सञ्चालन तथा कर्णबहादुर ठाडाको स्वागत मन्तव्यका साथ सम्पन्न भएको थियो ।
भेलाले कर्णबहादुर ठाडाको अध्यक्षतामा राजमोको लेकबेसी–२ वडा समिति गठन गरेको छ । समितिको उपाध्यक्षमा प्रेमबहादुर ज्ञामी, सचिवमा हिराबहादुर ठाडा र कोषाध्यक्षमा खम्बरसिं मिदुन रहनुभएको छ ।
त्यस्तै सदस्यहरूमा पूर्णकला खाम्चा, चन्द्रबहादुर ठाडा, लोकबहादुर ठाडा (ख), छमानसिं नेपाली, युवराज ठाडा, प्रेमबहादुर गुरुङ, जङ्गबहादुर फौजा, सम्मरबहादुर ठाडा, गङ्गबहादुर गाहा, हरिमाया वली र तुलबहादुर मिदुन रहनुभएको छ ।
एवम् प्रकारले समितिको सल्लाहकारमा भक्तबहादुर ज्ञामी, प्रेमबहादुर फौजा, प्रेमबहादुर ठाडा (क), धनबहादुर पुन, शशिराम ठाडा, खड्कबहादुर ठाडा, टेकबहादुर खाम्चा र ओमबहादुर ठाडा रहनुभएको छ ।
समितिमा पूर्ण सदस्यको दुई स्थान रिक्त राखिएको छ ।
