वीरेन्द्रनगर । सुर्खेतको लेकबेसीमा राष्ट्रिय जनमोर्चाको भेला सम्पन्न भएको छ ।
राजमो केन्द्रीय सदस्य रत्नविक्रम प्यासीको प्रमुख आतिथ्यतामा २०७७ माघ १७ गते सो भेला सम्पन्न भएको हो ।
भेलामा राजमो कर्णाली प्रदेश समितिका उपाध्यक्ष धनप्रसाद देवकोटा, नेकपा (मसाल) सुर्खेतका प्रवक्ता मोहन थापा, राजमोका पूर्व जिल्लाध्यक्ष शेरबहादुर परियार, अखिल नेपाल किसान महासङ्घ (अप्फा) का प्रेम ठाडा र जातीय समता समाजकाका जिल्ला सहसचिव दिपक आर्नेले पनि मन्तव्य राख्नुभएको थियो ।
भेला छवि पोख्रेलको अध्यक्षता, हरि परियारको सञ्चालन र डोहन थापाको स्वागत मन्तव्यका साथ सम्पन्न भएको थियो ।
भेलाले छवि पोख्रेलको अध्यक्षतामा राजमोको वडा समिति गठन गरेको छ । समितिमा उपाध्यक्ष डोहन थापा, सचिवमा हरि परियार, कोषाध्यक्षमा डिलबहादुर आर्ने तथा सदस्यहरूमा दीपकबहादुर आर्ने, पदमबहादुर टमटा, पहलसिंह कमेरा, कमल थापा, शेरबहादुर कुलेली, गगनबहादुर फौजा, टिकाराम बराली, मनमाया खड्का, प्रेमबहादुर लेकाली र झुपसिं परियार रहनुभएको छ ।
