शंकरप्रसाद पोख्रेल, गुल्मी ।
जय नेपाल सामाजिक युवा संस्था प्युठान जिल्लाको अध्यक्षको जिम्मेवारी पत्रकार विमल प्रसाद पोखरेलले पाउनुभएको छ । विभिन्न संचारक्षेत्रमा क्रियाशील पोख्रेल हिमालय टाईम्स दैनिक, नेपाली रेडियो नेटवर्क र सगरमाथा टेलिभिजनमा रिपोर्टिङ गर्नुको साथै विभिन्न अनलाइन मिडियामा आबद्व हुनुहुन्छ ।
७७ वटै जिल्लामा शाखा विस्तार गर्ने क्रममा सोमबार संस्थाका केन्द्रीय अध्यक्ष राजु सुनारले पोखरेललाई प्युठान जिल्ला अध्यक्षमा चयन गर्नुभएको हो । जिल्लाको कार्यसमितिलाई पूर्णता दिन जिल्ला अध्यक्षलाई जिम्मेवारी दिइएको छ । पोख्रेल पत्रकारितासँगै जिल्लाका विभिन्न सामाजिक संघ सस्थामा समाबेस रहि जनमुखी कार्य गर्दै आउनुभएको छ ।
लामो समयदेखि सामाजिक क्षेत्रमा काम गर्दै आएको संस्थाले पछिल्लो समय ३६ वटा जिल्लामा आफ्नो शाखा विस्तार गरिसकेको छ ।
शाखा बिस्तारको क्रममा गत आइतबार मात्रै रामेछाप जिल्लामा मिलन घिमिरेलाई जिल्ला अध्यक्षको जिम्मेवारी दिइएको थियो ।
संस्थाले सामाजिक क्षेत्रमा सहयोग गर्ने सरकारबाला निकायसँग समन्वय गरि जनमुखि कार्य गर्दै आएको छ ।
