काठमाडौं । नेपाल कम्युनिष्ट पार्टी (मसाल) ले तत्कालिन सभामुख कृष्णबहादुर महराविरुद्धको यौन दुराचार आरोपबारे निश्पक्ष छानबिन गर्न माग गरेको छ ।

पीडित भनिएकी महिलाको परस्पर विरोधी अभिव्यक्तिका कारण बढी भ्रम उत्पन्न भएको भन्दै मसालले घटनाको निश्पक्ष छानबिनका लागि आग्रह गरेको हो ।

पार्टी प्रवक्ता रामप्रकाश पुरीद्वारा हस्ताक्षरित विज्ञप्तिमा भनिएको छ-
‘पूर्व सभामूख कृष्ण बहादुर महराबारे सञ्चार माध्यममा प्रकाशित व्यक्तिगत चरित्रसम्बन्धी समाचारहरूप्रति नेकपा (मसाल)को ध्यान आकर्षित भएको छ । सम्बन्धित महिलाबाट पटक -पटक आएका परस्पर विरोधी बयानहरूबाट उक्त विषयमा बढी भ्रमको स्थिति सृजना भएको छ । त्यसबारे हाम्रो पार्टीले निष्पक्ष र उच्च स्तरीय छानबिन गरी सत्य र तथ्यलाई बाहिर ल्याउन सरकारसित माग गर्दछ ।’