चिदम्बरम (भारत)/हेम बिजी
मूल प्रवाह अखिल भारत नेपाली एकता समाज चिदम्बरम नगर समितिको आयोजनमा राष्ट्रिय जनमोर्चाले सञ्चालन गरेको संघीयता विरुद्धको आन्दोलन र सङ्घर्षमा एक्यबद्धता प्रकट गर्दै भर्चुअल विरोधसभा सम्पन्न भएको छ ।
\सङ्घीयता खारेज गरियोस्, कोरोना भाइरस विरुद्ध प्रभावकारी कदम चालियोस् भन्ने मूल नाराका साथ आयोजना गरिएको उक्त विरोधसभामा प्रमुख अतिथि मूल प्रवाह अखिल भारत नेपाली एकता समाजको दक्षिण भारत क्षेत्रीय सदस्य गोकुलबहादुर गायकका साथै नगर महिला विभागबाट सङ्गिता गन्धर्व र रक्तिम सांस्कृतिक विभागबाट क्षेस बालाकृष्णा गायकले सम्बोधन गर्नुभएको थियो ।
विरोधसभामा सहभागी बनेर कार्यक्रम सफल पार्न सहयोग गर्नुहुने सम्पूर्ण जनसमुदायलाई अनलाइनमार्फत नगर अध्यक्ष मोहराज शर्माले धन्यवाद दिनुभएको थियो । हेमबहादुर गन्धर्वको उदघोषक तथा सूर्यमान गिरीको अध्यक्षतामा अघि बढेको उक्त कार्यक्रममा जीवन पराजुलीले स्वागत मन्तव्य राख्नुभएको थियो ।
