काठमाडौं । वैदेशिक रोजगारीका लागि पोर्चुगल पठाइदिने भन्दै एक व्यक्तिले दुई जनासँग १६ लाख रुपियाँभन्दा बढी ठगी गरेका छन् ।

रुपन्देहीको ओमसतिया गाउँपालिका–६ बस्ने ३३ वर्षीय शिवनारायण चौधरीले रुपन्देहीकै दुई युवासँग १६ लाख २५ हजार २५० रुपैयाँ ठगी गरेका हुन् ।

चौधरीले नक्कली कागजात बनाएर ती युवालाई रकम आफ्नो बैङ्क खातामा हाल्न लगाएका थिए ।

ठगी गर्ने चौधरी विरुद्ध उजुरी परेपछि प्रहरीको अपराध महाशाखाको टोलीले उनलाई आइतबार सुन्धाराबाट पक्राउ गरेको छ । पक्राउ परेका चौधरीमाथि थप अनुसन्धन र कारबाहीका लागि काठमाडौँ परिसर पठाइएको अपराध महाशाखाले जनाएको छ ।