उद्धव मगर/दोहा (कतार) ।
रामेछाप जिल्ला दोरम्बा गाउँपालिका वडा नं. २ निवासी पासाङ तामाङको छोरा वर्ष ३५ का शुकलाल तामाङको लामो समयबाट दुवै मिर्गौला फेल भएकोमा रामेछाप दोहा सेवा समाजद्वारा आर्थिक सहयोग गरिएको छ ।

हाल उपचारको क्रममा रहेको तर निजको आर्थिक अवस्था कमजोर भएकोमा सेवा समाजद्वारा सो सहयोग गरिएको हो ।

रामेछाप दोहा सेवा समाजको पहलमा समाजसेवी काजीमान तामाङले २,५०५।– र रामेछाप सेवा समाज दोहा कतारको तर्फबाट ३०,०००।– रुपियाँ गरी जम्मा नेपाली रु. ३२,००५।– रुपियाँ नोभेम्बर २१, २०२० का दिन पीडित शुकलाल तामाङलाई नेपालबाट विषेश पहल गर्नुहुने काजीमान तामाङले हस्तान्तरण गर्नुभएको छ ।