कपिलवस्तु । कपिलवस्तुको शिवराज नगरपालिकामा नगरस्तरीय कराते संघ गठन भएको छ । नेपाल कराते महासंघ शाखा कपिलवस्तुका अध्यक्ष रामु सुनारको अध्यक्षतामा शिवराज नगरपालिका वडा नम्वर २ हल्लानगरमा बसेको बैठकले नयाँ कार्यसमिति चयन गरेको हो ।
बिहीबार बुद्धशक्ति कराते डोजेका प्रशिक्षक नवराज पौडेलको अध्क्षयतामा १३ सदस्यीय कार्य समिती गठन गरेको कपिलवस्तु कराते महांसंघले जनाएको छ ।
जसको उपाध्यक्षमा अजय केवट, सचिवमा मुना सारु, सह सचिव जेनिसा गरन्जा, कोषाध्यक्षमा मनिस थारु, सर्वसम्म रुपमा चयन भएका छन् ।
यसैगरी सदस्यहरुमा प्रकाश बराल, सविना बुढा मगर, कृष्ण कुमार खत्री, अस्मिता कार्की, सरिता सुनार, करुण खड्का, रविना सुनार, रमेश विश्कर्मा र अंकित रोका मगर चयन भएका छन् भने सल्लाकारमा रामु सुनार र निश्चल पन्थी रहनु भएको छ ।
नगरमा विगत एक दशकदेखि कराते खेल सञ्चालन हुँदै आइरहेको र कराते खेलको माध्यमबाट नगर, जिल्ला हुँदै राष्ट्रिय तथा अन्तर्राष्ट्रिय स्तरमा देशको नाम उच्च बनाउन सफल भएको भन्दै अझै उत्कृष्ट रुपमा खेलाडी उत्पादन गरि शिवराज नगरपालिकामा कराते खेलको संरक्षण तथा प्रबर्द्धन गर्ने उदेश्यका साथ नगरस्तरीय संघ गठन गरिएको बताइएको छ ।
