गत लामो समयदेखि हामीले युगदर्शन मासिक प्रकाशन गर्दै आएका थियौँ । दशकौँदेखि स्वदेश तथा विदेशका मजदुर, किसान बुद्धिजीवी, प्रवासीलगायत सबै जनवर्ग तथा तहतप्काको हकहित र अधिकारलाई आवाज दिनका लागि ठिक एक वर्षअगाडि हामीले युगदर्शन साप्ताहिक र अनलाइन संस्करण प्रकाशन गर्ने निष्कर्षमा पुगेका थियौँ । आज २०७७ असोज ७ गते युगदर्शन डट कमको प्रकाशन सुरु गरेको ठिक एक वर्ष पूरा भएको छ ।
यस अनलाइनले राष्ट्रियता, सार्वभौमिकता, भौगोलिक अखण्डता र तमाम शोषित, पीडित जनसमुदायको पक्षमा निर्भिकतापूर्वक कलम चलाउँदै आएको विदितै छ । सबै प्रकारका अन्याय, अत्याचार र शोषण, दमनका विरुद्ध तमाम मिहिनेतकस जनताको साथमा हामी उभिएका छौँ । नेपाल राष्ट्रलाई कमजोर बनाउने सबै प्रकारका विदेशी हस्तक्षेपका विरुद्ध, भ्रष्टाचार, कुशासन, महङ्गीलगायतका विकृतिका विरुद्ध शोषणरहित न्यायपूर्ण र समतामूलक समाज निर्माणको पक्षमा हामीले आवाज उठाएका छौँ । यस अवसरमा सबै प्रकारका असमानता, विभेदका विरुद्ध न्याय, स्वतन्त्रता र समानतापूर्ण वास्तविक स्वतन्त्र र समृद्ध मानव समाज निर्माणको पक्षमा युगदर्शन डट कम नयाँ युगको आवाज बनिरहने प्रतिबद्धता व्यक्त गर्दछौँ । आगामी दिनमा युगदर्शन डट कमलाई अझै स्तरयी र परिष्कृत बनाउँदै लैजाने हाम्रो प्रयत्न पनि जारी रहने नै छ ।
यस सञ्चार माध्यमले एक वर्ष पूरा गरी दोस्रो वर्षमा प्रवेश गरेको अवसरमा अनेक प्रकारका कठिनाइँका बाबजुद निरन्तर खटिरहनुहुने सम्पादक, व्यवस्थापक, संवाददाता, प्राविधिक, स्वयम्सेवी, लेखक, विज्ञापनदाताको जिम्मेवारी बहन गर्नुहुने देश तथा विदेशका समस्त साथीहरूप्रति हार्दिक आभार व्यक्त गर्न चाहान्छौँ ।
आनन्द शर्मा
अध्यक्ष
युगदर्शन डट कम
