महेश रिजाल, भालुबाङ ।
लुम्बिनी प्रदेशका मुख्यसचिव विनोदबहादुर कुँवरले लुम्बिनी प्रदेशको राजधानीस्थित भालुबाङ अस्पतालको स्थलगत निरीक्षण गर्नुभएको छ ।
२०८३ असोज २० गते मङ्गलबार उहाँले भालुबाङ अस्पतालको निरीक्षण गर्नुभएको हो ।
सो क्रममा उहाँले अस्पतालद्वारा सञ्चालन भइरहेका इमरजेन्सी कक्ष, ओपिडी कक्ष, बिरामी भर्ना वार्ड, प्रशासन कक्ष, डिस्पेन्सरी कक्ष (फार्मेसी कक्ष), ल्याब कक्ष, रेडियोलोजी (एक्सरे कक्ष), अपरेसन थिएटर कक्ष, बिरामी जाँचकक्ष, भिडियो एक्सरे कक्ष, दन्तसेवा कक्ष, सामाजिक सेवा एकाइलगायत बहिरङ्ग विभाग, टिकट काउन्टर तथा बिलिङ काउन्टरका अतिरिक्त निकट भविष्यमा निर्माण गरिने भालुबाङ अस्पतालको निरीक्षण गर्नुभयो ।
मुख्यसचिव कुँवरले भालुबाङ अस्पताल आइपुग्दा अस्पतालका मेडिकल सुपरिटेन्डेन्ट डा. आकाश बेलबासे, निक साइमन इन्सिटच्युट सानेपा ललितपुरका वरिष्ठ चिकित्सक डा. कासिम शाह (एमडी), आइटीविज्ञ असगर अलि मियाँ, भालुबाङ अस्पतालमा कार्यरत डा. आशिष पाण्डे, अस्पताल विकास बोर्डकी सदस्य श्रीमती विष्ण्ॉ श्रेढाई, भालुबाङ नगर विकास समितिका भूतपूर्व अध्यक्ष मोहम्मद माबुल मियाँ, सामाजिक व्यक्तित्व लाल मोहम्मद मियाँलगायतका व्यक्तित्वको समेत सहभागिता रहेको थियो ।
