भरतपुर । राष्ट्रिय जनमोर्चा चितवन जिल्ला समितिका सचिव पदमप्रसाद वाग्लेकी आमा बाटुलीदेवी पाध्याको स्मृतिमा शोकसभा सम्पन्न भएको छ ।
Advertisement
चितवन रत्ननगर टाँडीमा २०८३ भदौ २३ गते मङ्गलवार बिहान सो कार्यक्रम सम्पन्न भएको हो ।
राजमो चितवन जिल्ला समितिद्वारा आयोजित उक्त कार्यक्रममा केन्द्रीय सदस्यद्वय डम्मर पुरी र राजेन्द्र ढुङ्गानाले शोकमन्तव्य राख्दै स्मृतिशेष बाटुलीदेवीको योगदानको चर्चा गर्नुभएको थियो ।
कार्यक्रमको अध्यक्षता जिल्ला अध्यक्ष अमरबहादुर क्षेत्रीले र सञ्चालन राजमो नेता विष्णु पौडेलले गर्नुभएको थियो ।
शोकसभामा उपस्थित सम्पूर्ण सहभागीले स्मृतिशेष बाटुलीदेवीको फोटोमा माल्यार्णपण गरेका थिए ।
