नारायणगढ,
चितवन, साउन २४ । अखिल नेपाल जनजाति सम्मेलनले चितवनमा आफ्नो दोस्रो जिल्ला सम्मेलन भव्य रूपमा सम्पन्न गरेको छ। मिति २०८३/०४/२४ गते सम्पन्न सम्मेलन सूर्य थापाको सञ्चालन तथा लालबहादुर थापाको अध्यक्षतामा अघि बढेको थियो।
कार्यक्रमको सुरुआत मिनबहादुर राना मगर र पुष्पा राना मगरको सम्झनामा एक मिनेट मौनधारणबाट गरिएको थियो। त्यसपछि खगी थापा मगरले उपस्थित जनसमुदायलाई स्वागत मन्तव्यद्वारा स्वागत गर्नुभएको थियो।
सम्मेलनका प्रमुख अतिथि अखिल नेपाल जनजाति सम्मेलनका नेता जितबहादुर थापा रहनुभएको थियो। कार्यक्रममा राष्ट्रिय जनमोर्चाका केन्द्रीय सदस्य डमर पुरी, राजेन्द्र ढुंगाना, देवी शर्मा, राष्ट्रिय जनमोर्चा चितवनका जिल्ला अध्यक्ष अमरबहादुर क्षेत्री, नेकपा मसालका जिल्ला प्रवक्ता भविवर शर्मा, रक्तिम अभियानका केन्द्रीय उपाध्यक्ष मोहराज चालिसे, रक्तिम अभियान चितवनका जिल्ला अध्यक्ष कृष्ण के.सी., अखिल नेपाल ट्रेड युनियनका केन्द्रीय सदस्य डमर के.सी., समता समाज नवलपुरका नेता गोविन्द विक, बुद्धिजीवी संघ चितवनका सदस्य यादव विलास पन्थ, उद्योग संघ चितवनका गंगा शर्मा, विष्णु पौडेल र अखिल नेपाल महिला संघकी जिल्ला सदस्य पुष्पा थापालगायतको उपस्थिति रहेको थियो।
सम्मेलनले लालबहादुर थापाको अध्यक्षतामा ७ सदस्यीय जिल्ला समिति तथा २ जना वैकल्पिक सदस्यसहित ९ सदस्यीय जिल्ला समिति गठन गरेको छ। नवगठित समितिमा अध्यक्ष लालबहादुर थापा, उपाध्यक्ष हिरा थापा, सचिव पदमबहादुर थापा, कोषाध्यक्ष सूर्यबहादुर थापा, सदस्यहरूमा जंगबहादुर थापा र जितबहादुर थापा रहेका छन्। दुई जना वैकल्पिक सदस्यको स्थान भने रिक्त रहेको जनाइएको छ।
कार्यक्रमका बीच–बीचमा रक्तिम अभियानका कलाकारहरूले जनवादी गीत प्रस्तुत गरेका थिए। गीत तथा सांस्कृतिक प्रस्तुतिले कार्यक्रमलाई थप उत्साहपूर्ण बनाएको थियो।
सम्मेलनबाट निर्वाचित सम्पूर्ण कार्यसमितिलाई राष्ट्रिय जनमोर्चाका केन्द्रीय सदस्य डमर पुरीले बधाई तथा शुभकामना व्यक्त गर्नुभएको थियो। अन्त्यमा नवनिर्वाचित अध्यक्ष लालबहादुर थापाले सम्पूर्ण कार्यसमितिलाई सपथ ग्रहण गराउँदै कार्यक्रमको समापन गर्नुभएको थियो।
