हैदराबाद । भारतका विभिन्न स्थानमा नेपाली भाषी मान्छेहरूबाट भइरहेको असमाजिक तथा अमर्यादित घटनाका कारण कैयौँ नेपाली श्रमिकहरूलाई प्रशासनबाट समस्या परिरहेको छ । यस प्रकारका घटनाका कारण नेपाली श्रमिकहरूमाथि विश्वासको समस्या पैदा भइरहेको छ ।
यसै बीच मूल प्रवाह अखिल भारत नेपाली एकता समाजका कैन्द्रीय अध्यक्ष प्रेम पौडेलको नेतृत्वमा एक प्रतिनिधि मण्डलले तेलंगाना पोलिस टास्क फोर्सले हैदराबादसँग छलफल गरेको छ । सो अवसरमा हैदरावादमा कृयाशिल अन्य नेपाली संगठनहरुको पनि छलफलका लागि उपस्थिति रहेको थियो ।
बन्जाराहिल्स हैदराबादमा आयोजित उक्त छलफलमा मूल प्रवाह अखिल भारत नेपाली एकता समाजका केन्द्रीय अध्यक्ष प्रेम पौडेल र केन्द्रीय सदस्य रतन सिंह कर्माले आफ्नो संगठनको राय राख्नु भएको थियो । हैदराबाद मात्र नभयेर सिंगो भारतमा मूल प्रवाहमा आबद्ध कुनैपनि नेपालीले नाजायज काम गर्न नसक्ने बताउनु भएको थियो ।
संगठनले यस्ता चोरी, लुटपाट, हत्या जस्ता कार्यलाई संधैभरि निरुत्साहित पार्ने गरेको अध्यक्ष पौडेले बताउनु भयो । केही असमाजिक तत्वले गर्ने बदमासीले सबै नेपालीलाई पर्ने समस्यामा गलत र सहि छुटाइ प्रशासनले कार्बाही प्रक्रिया अगाडि बढाउन अध्यक्ष पौडेलले सुझाब दिनु भयो ।
बैठकमा मध्य दक्षिण क्षेत्रीय अध्यक्ष खिम बहादुर बिक र सह सचिब संकर नेपालीको पनि उपस्थिति रहेको थियो ।
केही दिन पहिला जुब्लिहिल्स स्थित रिटायेर अफिसरको घरमा काम गर्ने एकजना महिलाले आफ्ना साथिहरूसँग मिलेर ६० बर्षिय बृद्ध घर मालिकको हत्या गरि करोडौं चोरी गरि फरार भएको समाचार सार्वजनिक भएको थियो ।
उक्त महिलालाई भारतको पुनादेखि गिरफ्तार गरे लग्गतै हिजो हैदराबादको मेडचलमा फेरि यस्तै घटना दोहोरिएको थियो ।
