हिमाचल । आसन्न चुनावलाई साम्राज्यवादी शक्तिलाई परास्त गर्ने धारिलो हथियारको रुपमा देशभक्त शक्तिहरूले प्रयोग गर्नुपर्न मूल प्रवाहका केन्द्रीय अध्यक्ष एवं प्रतिनिधिसभाका समानुपातिक उम्मेद्वार प्रेम पौडेलले बताउनु भएको छ ।
पौडेलले फरवरी १६, २०२६ मा सम्पन्न हिमाचल राज्यको सोलनमा अगुवा कार्यकर्ताहरुलाई सम्वोधन गर्दै वर्तमान अवस्थामा देश जटिलतापुर्ण अवस्थामा रहेको बताउनु भयो । पौडेलले देशमा नयाँ र वैकल्पिक राजनीतिक शक्तिको नाममा अमेरिकी साम्राज्यवादले आफ्नो प्रत्येक्ष भूमिका निर्वाह गर्ने पार्टीलाई सत्तामा पुर्याउने कसरत गरिहेको बताउनु भयो ।
‘हाम्रो संगठन मूल प्रवाह अखिल भारत नेपाली एकता समाजले देशको जनतान्त्रिक आन्दोलनमा महत्वपूर्ण भूमिका निभाउँदै आइरहेको छ ।’ उहाँले अगाडि भन्नु भयो– ‘यसपटकको निर्वाचनमा पनि बढिभन्दा बढि कार्यकर्ता स्वदेश जानुपर्दछ ।’ उहाँले सबै कार्यकर्ता एवं समर्थक शुभचिन्तकले आर्थिक, नैतिक एवं भौतिक सहयोग लागि आव्हान गर्नु भएको थियो ।
समारोहमा मूल प्रवाहका केन्द्रीय सदस्यहरू शोभाखर पन्त र नेत्रबहादुर गुरुङ, महिला विभाग संयोजक बिमला शाही लगाएतले मन्तव्य राख्नुभएको थियो ।
राज्य समितिका अध्यक्ष तथा केन्द्रीय सदस्य विरु श्रेष्ठको अध्यक्षता एवं सञ्चालन भुवन केसीले गर्नुभएको थियो । कार्यक्रममा सहभागिहरूलाई राज्य समितिका कोषाध्यक्ष सीताराम बुढाले स्वागत गर्नु भएको थियो।
