काठमाडौँ । नेपाल प्रिमियर लिग (एनपीएल) अन्तर्गत बुधबार काठमाडौँ गोर्खाज र सुदूरपश्चिम रोयल्स भिड्ने भएका छन् । त्रिवि क्रिकेट मैदानमा अपराह्न ४ बजेसुरु हुने खेलमा काठमाडौँ र सुदूरपश्चिम प्रतिस्पर्धा गर्न लागेका हुन् ।

सोमबारको उद्घाटन खेलमा जनकपुरलाई ५ विकेटले हराउँदै विजयी भएको काठमाडौँ बुधबार दोस्रो खेल खेल्दै छ । काठमाडौँका कप्तानी करण केसीले गरिरहेका छन् भने सुदूरपश्चिमको कप्तान अलराउण्डर दीपेन्द्रसिंह ऐरी हुन् । काठमाडौँले अङ्क तालिकामा दुई अङ्क जोडिसकेको छ । यस टिमको प्रशिक्षकमोन्टी देसाइले गरिरहेका छन् ।

एनपीएलको यस सिजनमा जनकपुर, सुदूरपश्चिम रोयल्स, कर्णाली याक्स, पोखरा एभेन्जर्स, विराटनगर किंग्स, चितवन राइनोज, काठमाडौँ गोर्खाजर लुम्बिनी लायन्स गरी आठ फ्रेन्चाइज टोलीले प्रतिस्पर्धा गर्दैछन् ।