खिमराज चालिसे
संगरुर (भारत) । वाम घटकहरूको एकता सिद्धान्त हिन एकता हो उक्त कुरा मूल प्रवाहका महासचिव त्रिभुवन भट्टराईले बताउनु भएको छ । भट्टराईले भारतको पञ्जाव राज्यको संगरुरमा मूल प्रवाहको एक–दिवसीय प्रशिक्षण कार्यक्रम आज १५ नोभेम्वर २०२५ को सम्बोधन गर्दै बताउनु भएको हो ।
मूल प्रवाहका केन्द्रीय महासचिव त्रिभुवन भट्टराईले प्रमुख अतिथिको आशनबाट मन्तव्य दिँदै देशमा वामपन्थी एकताको आवश्यकता रहेता पनि अहिलेको सिद्धान्त विहिन एकता एकताको आडमा सत्ता र कुर्सिको एकता लागि एकता गरिएको बताउनु भएको छ ।
भट्टराईले भारतस्थित नेपालीहरूमा आधार–कार्ड लगायत अन्य विषयहरूमा पनि गम्भिर समस्या भएको र त्यसको लागि मूल प्रवाह ठोस योजनाका साथ लागिरहेको समेत बताउनु भयो ।
उक्त प्रशिक्षणमा मूल प्रवाह केन्द्रीय सदस्य नरबहादुर ओलीले आफ्ना अधिकार प्राप्त गर्न आफै उठनु पर्ने धारणा राख्नु भएको थियो ।
समारोहमा मूल प्रवाह सुदुर पश्चिमोत्तर क्षेत्रीय सदस्य खेमराज पोख्रेल, महिला क्षेत्रीय सदस्यहरू लक्ष्मी पाण्डे, मञ्जु शर्मा, सुनिता भट्टराई, नगर संयोजक सिता शर्मा, सांस्कृतिक विभागका राजु खनाल लगायतको आतिथ्यता रहेको थियो ।
कार्यक्रम राम प्रसाद खनालको सञ्चालनमा तथा नारायण भुसालको अध्यक्षतामा सम्पन्न भएको हो भने स्वागत बाबुराम परियारले गर्नभएको थियो ।
