काठमाडौँ । नेकपा (मसाल) ले केशमान नेपालीप्रति श्रद्धाञ्लली व्यक्त गरेको छ ।
महामन्त्री मोहनविक्रम सिंहको हस्ताक्षरमा २०८२ कात्तिक २८ गते शोकवक्तव्य जारी गर्दै मसालले श्रद्धाञ्लली तथा शोकसन्तप्त परिवारप्रति समवेदना व्यक्त गरेको हो ।
शोकवक्तव्यमा स्मृतिशेष केशमान मसालको जिल्ला समिति सदस्य तथा मूल प्रवाह अखिल भारत नेपाली एकता समाजको केन्द्रीय सदस्य भएको उल्लेख छ ।
केशमानको निधनबाट पार्टीको आन्दोलनमा गम्भीर क्षति भएको बताइएको वक्तव्यको पूर्ण पाठ यस्तो छ :
“बागलुङ जिल्ला जैमुनी–८ निवासी कामरेड केशमान नेपाली (का. विमल) को २०८२ कात्तिक २७ गते तदअनुसार नोभेम्बर १३, २०२५ मा दक्षिण भारतको चेन्नईमा मृत्यु भएको छ । उहाँको मृत्युप्रति गहिरो दु:ख व्यक्त गर्दै सन्तप्त परिवारजनप्रति हामीले हार्दिक समवेदना प्रकट गर्दछौँ ।
का. नेपाली हाम्रो पार्टीको सदस्य हुनुहुन्थ्यो र हाल जिल्ला कमिटी सदस्यको जिम्मेवारीमा कार्यरत हुनुहुन्थ्यो । उहाँ मूल प्रवाह अखिल भारत नेपाली एकता समाजको केन्द्रीय सदस्यसमेत हुनुहुन्थ्यो । यसरी उहाँ सामाजिक तथा राजनीतिक क्षेत्रमा क्रियाशील हुनुहुन्थ्यो । उहाँ हाम्रो पार्टीको अनुशासित, इमानदार, सक्रिय, जुझारुका साथै कर्तव्यनिष्ठ र प्रतिबद्ध सदस्य हुनुहुन्थ्यो । उहाँको मृत्युबाट हाम्रो पार्टीको आन्दोलनमा गम्भीर क्षति भएको छ ।
अन्तमा हामीले उहाँप्रति हार्दिक श्रद्धाञ्जली प्रकट गर्दछौँ ।”
