काठमाडौँ । राष्ट्रिय जनमोर्चाले आइसिसी टी–२० प्रतियोगिताको छनोट खेलअन्तर्गत सुपर सिक्सको विजेता बनेकोमा राष्ट्रिय जनमोर्चाले नेपाली टिमलाई बधाई दिएको छ ।
उपाध्यक्ष तथा प्रवक्ता दुर्गा पौडेलको हस्ताक्षरमा २०८२ कात्तिक १ गते शनिबार प्रेसवक्तव्य जारी गर्दै राजमोले बधाई दिएको हो ।
सुपर सिक्स टिमअन्तर्गत नेपाली टिमले क्रमश: जापान, युएई, कतार, ओमन र सामोआमाथि विजय हासिल गरिसकेको छ । शुक्रबार सम्पन्न पछिल्लो खेलमा सामोआलाई १२४ रनले जितेसँगै नेपाल सुपर सिक्स च्याम्पियन बनेको थियो ।
यस्तो छ, प्रेसवक्तव्य :
“आगामी वर्ष सन् २०२६ मा आयोजित आइसिसी टी–२० को छनोट प्रतियोजितामा सम्पूर्ण पाँचओटै टिमलाई जितेर सुपर सिक्स च्याम्पियन बन्न पुगेकोमा राष्ट्रिय जनमोर्चाले नेपाली क्रिकेट टिमलप्रति बधाई ज्ञापन गर्दछ । नेपाली क्रिकेट टिमले युएईमा सम्पन्न खेलमा जापान, युएई, कतार, ओमान र सामोआको क्रिकेट टिमलालाई पराजित गरेको छ । यससँगै नेपालले आइसिसी टी–२० प्रतियोगितामा भाग लिन पाउने भएको छ । हामीले आगामी आइसिसी टी–२० खेलमा सानदार प्रदर्शनको अपेक्षा गर्दछौँ ।”
