खिमराज चालिसे
हिसार । भारतको हरियाणा राज्यको हिसारमा दुबै मृगौला फेल भएका पुरन घर्ती वर्ष २३ को सोमवार ७ अक्टूबर २०२५ को दुखद निधन पछि आज वुधबार ८ अक्टूबर २०२५ को मूल प्रवाहले आफन्तहरूको सहभागितामा दाह–संस्कार गरेको छ ।
गत केहि महिना पहिला उनी बिमार परेको थाहा पाएपछि मूल प्रवाह अखिल भारत नेपाली एकता समाज हिसारले अभिभावकीय भुमिका निभाउँदै घर्तीलाई सिविल अस्पताल, जिन्दल अस्पताल हुँदै अग्रोहा मेडिकल कलेजमा भर्ना गरी उपचारको लागि करिव ६४ हजार नेरु आर्थिक संकलन गरि सहयोग गरेको थियो ।
दाह–संस्कार स्थलमा नगर सदस्य चन्द्रा सोमरे, सिटी एरिया अध्यक्ष कमला बगाले, हिसार महिला नगर सदस्य दुर्गा रास्कोटी, प्रमिला मुखिया, अनाज मण्डी टोल सदस्य कल्पना मुखिया लगाएतका धेरै महिला कार्यक्रताहरूको महत्वपूर्ण सहयोगमा पुरन घर्तीमगरको दाहसंस्कार गरिएको क्षेत्रीय अध्यक्ष तार सोमारेले बताउनु भएको छ ।
मृतक पुरन घर्तीमगर २३ वर्ष पाल्पा जिल्लाको रैनादेवी छहरा गाउँपालिका वार्ड नंबर ६ उर्लेर निवासी रिम बहादुर घर्तीका छोरा हुन् ।
