टेकराज भुसाल
अर्घाखाँची । राष्ट्रिय जनमोर्चा भूमिकास्थान–५ असुरकोटका जेष्ठ सदस्य मित्रलाल बेलवासेको निधन भएको ९औँ दिनको दिन राष्ट्रिय जनमोर्चा भूमिकास्थान–५ को आयोजनामा श्रद्धाञ्जली सभा सम्पन्न भएको छ ।
कार्यक्रमलाई राष्ट्रिय जनमोर्चा अर्घाखाँचीका उपाध्यक्ष गोपाल पौडेल, नगर कमिटी अध्यक्ष हिमलाल बन्जाडे, नगर सदस्य शिवप्रसाद बन्जाडे, कबिराज शर्मालगायतले सम्बोधन गर्दै स्व. बेलवासेको योगदानलाई स्मरण गर्दै पार्टी र समाजका लागि इमानदार, प्रतिबद्ध र प्रेरणादायी व्यक्तित्व रहेको उल्लेख गर्नुभयो । उहाँले जनमोर्चा पार्टीलाई बलियो बनाउन स्व. बेलवासेले देखाएको त्याग, अनुशासन र संघर्ष आगामी पुस्ताका लागि मार्गदर्शक हुनेमा विश्वास व्यक्त गर्नुभएको थियो ।
कार्यक्रममा अखिल नेपाल युवक संघ नगर उपाध्यक्ष माधव बन्जाडे, प्रगतिशील पत्रकार संघ रुपन्देहीका सचिव टेकराज भुसालसहित नेता–कार्यकर्ता तथा स्थानीयको उपस्थिति थियो ।
श्रद्धाञ्जली सभा स्व. बेलवासेका जेठा नाति सागर बेलवासेको अध्यक्षता र रेशम विकको सञ्चालनमा सम्पन्न भएको हो ।
१९९६ मा जन्मिएका स्व. बेलवासेको ८६ वर्षको उमेरमा भाद्र ७ गते निधन भएको थियो। उहाँका पाँच छोरी हुनुहुन्छ भने एक छोराको यसअघि नै निधन भइसकेको छ ।
