काठमाडौं । एकातर्फ यति बेला विश्व सर्वहारा वर्गले परिवर्तित हुँदै गएको परिस्थिति अनुरूप नयाँ ढंगले सोच्न, सिद्धान्त, रणनीति तथा कार्यनीतिलाई विकसित तुल्याउन, साम्राज्यवादी भूमण्डलीकरणको विरोध तथा विकल्पमा नयाँ जनवादी तथा समाजवादी क्रान्तिको प्रकृयालाई अगाडि बढाउनु पर्ने आवश्यकता दिनप्रतिदिन बढिरहेको छ ।

अर्कोतर्फ विश्वका क्रान्तिकारी कम्युनिस्टहरूले साम्राज्यवादको विरोध र जनताको मुक्तिका लागि आफ्ना संगठनहरूलाई मजबुत बनाउने, साम्राज्यवादका विरुद्ध संयुक्त मोर्चाको निर्माणमा जोड दिनुपर्ने आवश्यकता पनि उत्तीकै बढेर गएको छ । साम्राज्यवादका दलालहरूमाथि प्रहार गर्ने, साम्राज्यवादी हस्तक्षेपका विरुद्ध संघर्षको तयारी गर्ने र प्रतिरोध संघर्षलाई विकसित तुल्याउने नीति समेत अवलंबन गर्न जरुरी हुन्छ ।

यसै बीच भोलि २०८२ असार ११ का दिन नौं वाम दलहरुले संयुक्त रुपमा साम्राज्यवादी युद्ध विरुद्ध अन्तरक्रिया कार्यक्रम गर्ने निश्चित भएको छ । हामीलाई वापन्थी नेता आनन्द शर्माले जानकारी दिनुभएको जानकारी अनुसार । भोली दिउँसो १२ बजे रास्ट्रिय नाच घर जमलमा इरानमाथी अमेरिका तथा इजरायलद्वारा गरिएको आक्रमणको बिरोधमा ने.क.पा. (मसाल) लगायत ९ राजनीतिक दलहरुको संयुक्त आयोजनामा हुन गैरहेको छ ।

अन्तरक्रिया कार्यक्रममा कार्यक्रममा नेकपा (मसाल), राष्ट्रिय जनमोर्चा, नेकपा (माओवादी केन्द्र), नेपाल कम्युनिस्ट पार्टी सी, नेकपा (एकीकृत समाजवादी), क्रान्तिकारी कम्युनिस्ट पार्टी नेपाल, वैज्ञानिक समाजवादी कम्युनिस्ट पार्टी नेपाल, नेकपा (बहुमत), नेकपाका शिर्ष नेतृत्वहरुले मन्तव्य दिने कार्यक्रम रहेको शर्माले हामीलाई जानकारी दिनु भयो ।

कार्यक्रम,
‘साम्राज्यवादी युद्धको विरोध गरौं,
विश्व शान्ति कायम गरौं
इरान र प्यालेस्टाइनमाथि अमेरिका र इजरायलद्धारा गरिएको आक्रमणको विरोध गरौं ।’
नारा अन्तर्गत गरिने कार्यक्रम बताइएको छ ।