सन्धिखर्क । राष्ट्रिय जनमोर्चा अर्घाखाँची का नेता तथा भूमिकास्थान नगरपालिका वडा नं. २ का वडाअध्यक्ष बुद्धिबहादुर थापालाई पत्नीशोक परेको छ ।
६२ वर्षीया थापापत्नी पुना थापाको २०८२ असार ९ गते सोमबार निधन भएपछि उहाँलाई मातृशोक परेको हो ।
राजमोका क्रियाशील सदस्य थापा अस्वस्थ भई भैरहवा मेडिकल कलेजमा उपचाररत रहेकै बेला सोमबार राति निधन भएको परिवारले जनाएको छ ।
स्मृतिशेष पुनाको पार्थिव शव राजमो अर्घाखाँचीको जिल्ला कार्यालय पार्टीको झन्डा ओढाएर अन्तिम श्रद्धाञ्जली दिइएको थियो । राजमो लुम्बिनी प्रदेश समितिका अध्यक्ष शेरबहादुर बिसीले पार्टीको झन्डा ओढाएर सम्मानसहित श्रद्धाञ्जली दिनुभएको थियो ।
शोकसभामा मन्तव्य राख्दै राजमो जिल्ला अध्यक्ष थम्मन केसीले पुनाको निधनले कम्युनिस्ट आन्दोलनलाई ठुलो क्षति पुगेको बताउनुभयो ।
श्रद्धाञ्जलीस्थलमा राजमो अर्घाखाँचीका नेताकार्यकर्ता र शुभचिन्तकको उल्लेख्य सहभागिता रहेको थियो ।
वडाध्यक्ष थापाकी श्रीमतीको निधन भएपछि मङ्गलबारका लागि तय भएको भूमिकास्थान नगरपालिकाको सत्रौँ नगरसभा (बजेट तथा कार्यक्रम) सार्वजनिक गर्ने बैठकसमेत बुधबारको लागि सरेको नगरपालिकाले जनाएको छ ।
